08:36 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Ռուսաստան
Ստանալ կարճ հղումը
112 0 0

ՌԴ իշխանությունը չեղարկել է տասը մարդու ժամանակավոր բնակվելու թույլտվությունն ու մի քանի հոդվածով վարչական պատասխանատվության է ենթարկել։

ԵՐԵՎԱՆ, 11 դեկտեմբերի – Sputnik. Ադրբեջանի տասը քաղաքացիներին արգելել են մուտք գործել Ռուսաստան այն բանից հետո, երբ նրանք Սանկտ Պետերբուրգի Նևսկի պողոտայում «Ղարաբաղ» կարգախոսներով չարտոնված ակցիա են անցկացրել։ Տեղեկությունը հայտնում է «Ֆոնտանկա» պարբերականը։

Ղարաբաղյան հակամարտությանը նվիրված ակցիայի մասնակիցներին, որոնք կաթվածահար էին արել երթևեկությունը Պետերբուրգի Նևսկու պողոտայում, վարչական պատասխանատվության են ենթարկել։

Պարբերականի տվյալների համաձայն՝ 21-ից 31 տարեկան Ադրբեջանի քաղաքացիներին մեղսագրվում է «մասնակցություն չարտոնված հավաքին, հանրահավաքին, որի հետևանքով տրանսպորտային կամ սոցիալական ենթակառուցվածքի գործառույթների իրականացման խափանում է առաջացել»։

Բացի այդ, մի քանիսին վարչական պատասխանատվության են ենթարկել մարդկանց մեքենայի խցիկից դուրս բերելու, ապակիների սխալ տոնավորման, առանց ապահովագրության մեքենա վարելու, անվտանգության գոտի չկապելու և այլ խախտումների համար։

Մասնակիցներից 9-ին երեք տարի ժամկետով են արգելել մուտք գործել Ռուսաստան, իսկ մեկին՝ հինգ տարի։ Բացի այդ, չեղարկել են Ռուսաստանում ապրելու ժամանակավոր թույլտվությունները՝ միգրացիոն օրենսդրության բացահայտված խախտումների պատճառով։

Բերդավանում ադրբեջանցի տղամարդ է հայտնվել. նա ձերբակալվել է

Ռազմական հակամարտությանը նվիրված ակցիան տեղի է ունեցել Նևսկու պողոտայի երթևեկելի հատվածում այս տարվա նոյեմբերի սկզբին։ Դրա պատճառով մայրուղու երթևեկությունը ժամանակավորապես դժվարացել էր։

թեգերը:
ադրբեջանցի, Բողոքի ակցիա, Ռուսաստան, Սանկտ Պետերբուրգ

Գլխավոր թեմաներ