09:16 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Ռուսաստան
Ստանալ կարճ հղումը
89 0 0

Չավուշօղլուն կայցելի Սոչի՝ մասնակցելու ռազմավարական պլանավորման համատեղ խմբի 8-րդ նիստին, որը գործում է Ռուս-թուրքական բարձր մակարդակի համագործակցության խորհրդի շրջանակում:

ԵՐԵՎԱՆ, 24 դեկտեմբերի – Sputnik. Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան այսօր իր ամենշաբաթյա ճեպազրույցի ժամանակ հայտարարեց, որ Ռուսաստանի և Թուրքիայի արտգործնախարարներ Սերգեյ Լավրովն ու Մևլութ Չավուշօղլուն Ղարաբաղի վերաբերյալ եռակողմ հայտարարության իրականացման հետ կապված հարցեր կքննարկեն Սոչիում:

Նա հայտնեց, որ Թուրքիայի արտգործնախարարը Ռուսաստան կայցելի դեկտեմբերի 29-ին ռուս գործընկերոջ հրավերով։

Զախարովայի խոսքով՝ Չավուշօղլուն կայցելի Սոչի՝ մասնակցելու ռազմավարական պլանավորման համատեղ խմբի 8-րդ նիստին, որը գործում է Ռուս-թուրքական բարձր մակարդակի համագործակցության խորհրդի շրջանակում:

«Նախատեսվում է մանրամասն մշակել այն ընթացիկ հարցերը, որոնք կապված են նոյեմբերի 9-ին Ռուսաստանի, Ադրբեջանի և Հայաստանի ղեկավարների` Լեռնային Ղարաբաղի վերաբերյալ եռակողմ հայտարարության իրականացման հետ», - ասաց նա՝ հավելելով, որ շեշտը դրվելու է հնարավոր բախումների ռիսկերի նվազեցման և հումանիտար օգնության տրամադրման վրա:

Ըստ Զախարովայի՝ ուշադրության կենտրոնում կլինի Ղարաբաղյան հակամարտության գոտում հրադադարի վերահսկողության ռուս-թուրքական համատեղ մոնիտորինգային կենտրոնի գործունեության կարգավորումը:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

Ըստ թեմայի

Անկարան կրկին հայտարարում է Արցախում թուրք խաղաղապահների մասին, Մոսկվան կրկին հերքում է
Սիրիայից Կովկաս․ ի՞նչ են ցույց տվել ռուսական ուղղաթիռների փորձարկումները
Թուրքիան ու ՌԴ–ն կքննարկեն Ղարաբաղի դիտարկման կենտրոնում թուրքերի մնալու ժամկետները
թեգերը:
Մևլութ Չավուշօղլու, Սերգեյ Լավրով, Թուրքիա, Ռուսաստան

Գլխավոր թեմաներ