17:13 20 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Ռուսաստան
Ստանալ կարճ հղումը
43 0 0

Բեռլինում կայացել են «նորմանդական քառյակի» քաղաքական խորհրդականների բանակցությունները Ուկրաինայում հակամարտության կարգավորման հարցով։

ԵՐԵՎԱՆ, 13 հունվարի - Sputnik.«Նորմանդական քառյակի» քաղխորհդականների  հանդիպումը Բեռլինում օգտակար է եղել, վերջնական լուծումներ դեռևս չեն գտել, բայց պայմանավորվել են հանդիպել երկու շաբաթ հետո։ Այդ մասին, ինչպես փոխանցում է ՌԻԱ Նովոստին, հայտարարել է ՌԴ նախագահի վարչակազմի ղեկավարի տեղակալ Դմիտրի Կոզակը։

Կորոնավիրուսի համավարակը, ռուսական պատվիրակության կարծիքով, չի խանգարում Ուկրաինայում հակամարտության կարգավորման ուղղված բանակցային գործընթացին։

«Մեզ շատ չի խանգարում, որևէ սահմանափակում չկա։ Աստված տա, որ բոլորը առողջ լինեն այս բուռն զրույցից հետո»,-ասել է Կոզակը լրագրողներին։

Նա նշել է, որ հանդիպման ընթացքում կողմերը կարծիքներ են փոխանակել կարգավորման բոլոր դրույթների մասին։

«Ռուսաստանն առայժմ այնպիսի զգացողություն չունի, որ Կիևը հակամարտության ուժային լուծման ծրագրեր է կազմում։ Զինադադարն ընդհանուր առմամբ պահպանվում է»,-նշել է Կոզակն ու հավելել, որ Ուկրաինայի կողմից ուժային գործողությունները ինքնասպանություն կլինեին։

Քաղխորհրդականի կարծիքով՝ Գերմանիան և Ֆրանսիան պետք է լրջորեն մտահոգված լինեն Կիևի հետ Դոնբասի կարգավորման հարցով երկխոսության կառուցողականության հարցում։

«Նորմանդական ձևաչափով հաջորդ հանդիպումը, ամենայն հավանականությամբ, կկայանա տեսակոնֆերանսի ռեժիմով»,-նշել է Կոզակը։

Հիշեցնենք, որ «նորմանդական քառյակի»՝ վերջին երեք տարվա ընթացքում առաջին գագաթնաժողովում, որն անցկացվել է Փարիզում 2019 թվականի դեկտեմբերի 9-ին, կողմերը համատեղ հայտարարություն են ընդունել և պայմանավորվել են հանդիպել չորս ամիս անց Բեռլինում, որպեսզի շարունակեն Դոնբասի իրադրության կարգավորմանն ուղղված աշխատանքը: Հայտարարության մեջ ասվում էր, որ Մինսկի համաձայնագրերը մնում են որպես հիմք՝ նորմանդական ձևաչափով աշխատելու համար, մինչև 2020 թվականի մարտի վերջ նախատեսվում է ուժերի բաժանում Դոնբասի երեք նոր կետերում:

Քաղաքական խորհրդականների վերջին հանդիպումը «նորմանդական ձևաչափով» տեղի է ունեցել 2020 թվականի սեպտեմբերի 11-ին Բեռլինում:

Ըստ թեմայի

Ադրբեջանը մյուս երկրների համար շատ վատ օրինակ է ծառայել. Զատուլին
Ոչ միայն Ղարաբաղը․ գեներալ Իվաշովը խոսել է Ղրիմի հարցում Անկարայի քաղաքականության մասին
Թուրքիայում համաշխարհային պատերազմ է «եփվում»․ Վասերմանը կոչ է արել պատրաստվել վատագույնին
թեգերը:
Ֆրանսիա, Գերմանիա, Դոնբաս, Ռուսաստան, Ուկրաինա

Գլխավոր թեմաներ