14:07 11 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Ռուսաստան
Ստանալ կարճ հղումը
5059 0 0

Հայ–ռուսական համալսարանը ստեղծվել է երկու երկրի կառավարությունների միջև երկկողմ համաձայնագրի հիման վրա։ Խոսքը վերաբերում է 2015 թվականի երկկողմ համաձայնագրին, որն այդպես էլ ուժի մեջ չի մտել։

ԵՐԵՎԱՆ, 1 մարտի – Sputnik. Ռուսաստանը հրաժարվել է Երևանում գործող Հայ-ռուսական համալսարանի գործունեության պայմանների մասին համաձայնագրից։ ՌԴ կառավարության համապատասխան կարգադրությունը հրապարակվել է իրավական տեղեկատվության պաշտոնական կայքում:

«Ընդունել Ռուսաստանի կրթության նախարարության առաջարկը, որը համաձայնեցվել է ՌԴ ԱԳՆ–ի և շահագրգիռ այլ մարմինների հետ, այն է` հայկական կողմին ծանուցել, որ ՌԴ–ն չի մասնակցի Ռուսաստանի և Հայաստանի կառավարությունների միջև ստորագրված համաձայնագրին, որը վերաբերում է Երևանում գործող Ռուս–հայկական համալսարանի գործունեության պայմաններին»,– գրված է փաստաթղթում։

Նշվում է, որ համաձայնագիրը կնքվել է 2015 թվականի մայիսի 14-ին:

Որոշման մասին հայկական կողմին պետք է ծանուցի ՌԴ ԱԳՆ–ն։

Ավելի ուշ բուհի ռեկտոր Արմեն Դարբինյանը Facebook–ի իր էջում գրեց, որ այս որոշումից հետո չի փոխվում ո՛չ համալսարանի կարգավիճակը, ո՛չ էլ գործունեության պայմանները, համալսարանը հիմնվել է 1997-ի օգոստոսի 29-ի միջկառավարական համաձայնագրով ու գործում է 2003-ի ապրիլի 23-ի միջկառավարական համաձայնագրով։

Հիշեցնենք`  Արմեն Դարբինյանը փետրվարի 8-ին հայտարարել էր, որ ՀՀ վարչապետ Նիկոլ Փաշինյանը Ազգային անվտանգության ծառայության միջոցով փորձում է իրեն հեռացնել ռեկտորի պաշտոնից: Դարբինյանը նշել էր, որ վարչապետի թշնամանքի դրսևորման պատճառներից մեկը Փաշինյանի  անթաքույց հակառուսական էությունն է։ Դրանից հետո համալսարանի ուսանողներն ու կոլեկտիվը ակցիա անցկացրին ի աջակցություն Դարբինյանի։ Այնուհետև ստուգումներ սկսվեցին բուհում։

Հայ-ռուսական (Սլավոնական) համալսարանը ստեղծվել է Հայաստանի և Ռուսաստանի կառավարությունների միջև երկկողմ համաձայնագրի հիման վրա։

Համալսարանը բարձրագույն մասնագիտական կրթություն իրականացնող ուսումնական հաստատություն է և ունի Ռուսաստանի Դաշնության և Հայաստանի Հանրապետության պետական բուհի կարգավիճակ: 

Ռուսաստանի Դաշնության կրթության նախարարության կողմից համալսարանն արտոնագրվել է 2000 թվականի հունիսի 27-ին և 2004 թվականի օգոստոսի 5-ին, Հայաստանի Հանրապետության կրթության և գիտության նախարարության կողմից` 2004 թվականի մարտի 15-ին: 2005 թվականի ապրիլի 29-ին համալսարանը հավատարմագրվել է Ռուսաստանի Դաշնության կրթության և գիտության նախարարության կողմից: 2010 թվականին համալսարանը ստացել է նոր արտոնագիր և հավատարմագիր, իսկ 2011 թվականին ստացել է անժամկետ արտոնագիր:

Համալսարանի հիմնադիրների իրավասություններն իրականացնում են Ռուսաստանի Դաշնության և Հայաստանի Հանրապետության կրթության և գիտության նախարարությունները:

 

Ըստ թեմայի

«Ճշմարտությունը վերականգնվեց». Պեսկովը մեկնաբանել է «Իսկանդերի» մասին հայտարարությունները
Փակման մասին խոսակցությունները փուչ են. ԱԷԿ-ում ամրապնդելու են ռեակտորի պաշտպանությունը
Հայաստանն օգնություն չի խնդրել Ռուսաստանից. Մատվիենկո
Հայաստանը տրամադրված է Ռուսաստանի հետ հարաբերությունների ամրապնդմանը. Արա Այվազյան
թեգերը:
համալսարան, Ռուսաստան, Հայաստան

Գլխավոր թեմաներ