ԵՐԵՎԱՆ, 24 մարտի - Sputnik. Միայն Ռուսաստանի նախագահ Վլադիմիր Պուտինն ու նրա բժիշկը գիտեն, թե ինչ պատվաստանյութ է ընտրել ՌԴ նախագահը կորոնավիրուսի դեմ պատվաստվելու համար: Տեղեկությունն այսօր լրագրողներին հայտնել է Պուտինի մամուլի քարտուղար Դմիտրի Պեսկովը։
«Մենք դեռ երեկ ասացինք, որ բոլոր երեք ռուսական պատվաստանյութերը բացարձակապես հուսալի են, արդյունավետ և անվտանգ, ուստի ոչ մի տարբերություն, թե որ պատվաստանյութով է պատվաստվել նախագահը», - ասել է Պեսկովը։
Ավելի վաղ Ռուսաստանի նախագահի մամուլի քարտուղարը հայտնել էր, որ Կրեմլը չի տարածի պատվաստման բուն ընթացակարգի լուսանկարներն ու տեսանյութերը: Նա նշել է, որ պետության ղեկավարն առանց այդ էլ շատ բան է անում ռուսական պատվաստանյութերն առաջ տանելու համար։
