ԵՐԵՎԱՆ, 8 ապրիլի – Sputnik. Ռուսաստանի Դաշնության նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Տեղեկությունը հաղորդում է Կրեմլի մամուլի ծառայությունը:
Նշվում է, որ կողմերը քննարկել են Արցախի շուրջ ստեղծված իրավիճակը, դրա հետագա կայունացումը՝ 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների համաձայն:
«Մասնավորապես, առարկայական քննարկում է եղել տարածաշրջանի խաղաղության, անվտանգության ու սոցիալ-տնտեսական զարգացման ապահովման հարցերի, ինչպես նաև տրանսպորտային հաղորդակցությունների վերականգնման աշխատանքների ընթացքի շուրջ: Ընդ որում՝ հաշվի են առնվել ապրիլի 7-ին Մոսկվայում կայացած հայ - ռուսական բարձր մակարդակով բանակցությունների արդյունքները», - նշված է հաղորդագրության մեջ:
Պուտինն ու Ալիևը պայմանավորվել են տարբեր ձևաչափերում շփումների ակտիվացման մասին։
«Քննարկելու շատ հարցեր կան». Պուտինը Փաշինյանին ասել է` որն է ամենահրատապ խնդիրը
Հիշեցնենք՝ ապրիլի 7-ին Մոսկվայում կայացավ ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հանդիպումը։
Բանակցությունների ընթացքում կողմերը քննարկել են առևտրատնտեսական կապերի և տրանսպորտային երթուղիների վերականգնումը, խաղաղապահների օգնությամբ Լեռնային Ղարաբաղում իրավիճակի կարգավորումը, ինչպես նաև եվրասիական տարածքում ինտեգրացիոն միավորումներում փոխգործակցության հեռանկարները:
Փաշինյանը Պուտինին առաջարկել է քննարկել միացյալ զորախմբի ու համատեղ ՀՕՊ համակարգի հարցերը
