06:41 27 հուլիսի 2021
Ուղիղ եթեր
  • USD482.52
  • GBP665.64
  • EUR569.28
  • RUB6.52
Ռուսաստան
Ստանալ կարճ հղումը
339 0 0

Ռուս քաղաքագետ Եվգենի Սատանովսկին խոսել է ադրբեջանցիների կողմից Հայրենական մեծ պատերազմի հայ հերոսների հուշարձանների ոչնչացման ու պղծում դեպքերի մասին:

ԵՐԵՎԱՆ, 21 մայիսի -Sputnik. Ռուս հայտնի քաղաքագետ Եվգենի Սատանովսկին անդրադարձել է Ադրբեջանի կողմից Հայրենական մեծ պատերազմի հայ հերոսների հուշարձանների ոչնչացման թեմային՝ բողոքելով, որ այդ կապակցությամբ ոչ ոք Իլհամ Ալիևին «տհաճ հարցեր» չի տալիս:

Սատանովսկին ասել է, որ Ադրբեջանի կողմից վերահսկվող տարածքում Մեծ Հայրենական պատերազմի հետ կապված բոլոր հուշարձաններն ու հուշակոթողները «ոչնչացվել կամ պղծվել են», քանի որ հերոսները, այդ թվում՝ հայտնի զորավարները, «անզգուշություն են ունեցել հայ լինել»:

 «Ընդ որում՝ դրանք (հուշարձանները - խմբ.) տեղադրվել էին այդ հերոսների հայրենիքում, այնտեղ, որտեղ նրանք ծնվել են ու որտեղ դարերով ապրել են իրենց նախնիները։ Անգամ նրանց անունների թռուցիկ թվարկումը՝ նախարար Թևոսյան, մարշալ Բաղրամյան, Բաբաջանյան և Խանփերյանց, ծովակալ Իսակով, հարյուրավոր և հարյուրավոր այլ գեներալներ, սպաներ և շարքայիններ, առավել քան բավարար է Մոսկվայի Միջազգային հարաբերությունների պետական ինստիտուտի շրջանավարտ նախագահ Իլհամ Ալիևին առավել քան տհաճ հարցեր տալու համար։ Միայն թե նրան ոչ ոք հարցեր չի տա։ Նա ինքը ում ասես, ինչ ասես կհարցնի», - գրում է Սատանովսկին։

Քաղաքագետը կարծում է, որ «մեծ փողերն ու մեծ կապերը թույլ են տալիս, որ մարդն ինչ ուզում է անի»:

Նա վստահ է, որ այն Ադրբեջանը, որը շատերն են հիշում և իներցիայով համակրում, այլևս չկա։ «Կա Թուրքիայի մի մաս, որտեղ հայկական ու հունական ամեն ինչի ոչնչացումը նորմա է։ Այնպես որ, անիմաստ է Ալիևի հարցնել, թե ինչ է կատարվում պատերազմի հուշերի հետ։ Էրդողանն այսօրվա Ադրբեջանում ղեկին է նստած, այնտեղ անում է, ինչ ցանկանա և մտադիր է ընդլայնել իր ազդեցության ոլորտը նախկին ԽՍՀՄ բոլոր թյուրքական տարածաշրջանների վրա, ներառյալ ոչ միայն Ղազախստանն ու Միջին Ասիան, այլև Ռուսաստանի կեսը»։

Խաղաղապահներն Ասկերանի բնակիչներին օգնել են վերականգնել Մեծ հայրենականի զոհերի հուշարձանը

Ռուս քաղաքագետը նաև կարծում է, որ հենց Հայրենական մեծ պատերազմում ընկած զինվորների և խորհրդային  զորավարների հուշարձանները քանդելու համար են Չեխիայի, Էստոնիայի, Լեհաստանի պես երկրներն ավելի են արժանի ոչ բարեկամական երկրների կարգավիճակին, քան «Պետրովի ու Բոշիրովի արկածների մասին կեղծ հորինվածքների»։

Ըստ թեմայի

4000 հայկական վանքեր և մշակութային հուշարձաններ գտնվում են ոչնչացման վտանգի տակ. Դումանյան
«Հարցը ՅՈւՆԵՍԿՕ–ի դաշտում է». Վահրամ Դումանյանը` հայկական հուշարձանների ճակատագրի մասին
Սադրանք՝ հայ-հնդկական բարեկամության դեմ. ՀՀ ԱԳՆ-ն դատապարտել է Գանդիի հուշարձանի պղծումը
թեգերը:
Լեռնային Ղարաբաղ, Արցախ, Հուշարձան, Հայրենական մեծ պատերազմ, հերոս, հայ, Ադրբեջան

Գլխավոր թեմաներ