https://arm.sputniknews.ru/20210805/rd-n-chi-karox-sahmanapahner-texakayel-hay-adrbejanakan-sahmanin-28566292.html

ՌԴ–ն չի կարող սահմանապահներ տեղակայել հայ-ադրբեջանական սահմանին. Բիկանտովն ասել է` ինչու

ՌԴ–ն չի կարող սահմանապահներ տեղակայել հայ-ադրբեջանական սահմանին. Բիկանտովն ասել է` ինչու

Sputnik Արմենիա

Նրա խոսքով՝ սահմանին կայուն խաղաղության կարելի է հասնել միայն Հայաստանի և Ադրբեջանի միջև սահմանի դելիմիտացիայի աշխատանքների գործարկման միջոցով: 05.08.2021, Sputnik Արմենիա

2021-08-05T18:04+0400

2021-08-05T18:04+0400

2021-08-05T18:07+0400

ռուսաստան

աշխարհ

հայաստան

ադրբեջան

հայ-ադրբեջանական

սահման

դեմարկացիա

սահմանապահ

դելիմիտացիա

https://cdn.am.sputniknews.ru/img/07e5/06/0c/27905461_142:207:1600:1027_1920x0_80_0_0_0a2da8eb83cc000a924e8aed7a474efe.jpg

ԵՐԵՎԱՆ, 5 օգոստոսի - Sputnik. Ռուսաստանը չի կարող սահմանապահներ տեղակայել հայ-ադրբեջանական սահմանին` կողմերի միջև միջազգային իրավական ակտերի և վստահության բացակայության պատճառով: Այս մասին այսօր հայտարարել է ՌԴ ԱԳՆ Տեղեկատվության և մամուլի դեպարտամենտի փոխտնօրեն Ալեքսանդր Բիկանտովը:Ավելի վաղ ՀՀ վարչապետի պաշտոնակատար Նիկոլ Փաշինյանն առաջարկել էր ռուս սահմանապահների հենակետերը տեղակայել Ադրբեջանի հետ սահմանի ողջ երկայնքով:«Սահմանի երկայնքով սահմանապահների տեղակայման իրականացման խոչընդոտներից մեկը միջազգային-իրավական ակտերի բացակայությունն է, որի պատճառով կողմերի փոխադարձ վստահության դեֆիցիտ է ձևավորվել», - ասել է Բիկանտովը ճեպազրույցի ժամանակ:Նրա խոսքով՝ սահմանին կայուն խաղաղության կարելի է հասնել միայն Հայաստանի և Ադրբեջանի միջև սահմանի դելիմիտացիայի աշխատանքների գործարկման և հետագա սահմանազատման միջոցով:Նշենք, որ հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։Սակայն դրան հաջորդող օրերին նույնպես ադրբեջանցիները պարբերաբար խախտում են պայմանավորվածությունը` կրակելով հայկական դիրքերի ուղղությամբ։Ավելին` հուլիսի 29–ի լույս 30–ի գիշերը հայ-ադրբեջանական սահմանի Գեղարքունիքի հատվածում արձանագրվել են ԱԹՍ-ների՝ ՀՀ օդային տարած մուտք գործելու փորձեր։Հուլիսի 30–ին խոցվել է Ադրբեջանի ԶՈւ սպառազինության մեջ գտնվող «Aerostar» տիպի ԱԹՍ, որի բեկորներն ընկել են Գեղարքունիքի մարզի Վանեվան գյուղից 3.5 կիլոմետր դեպի հյուսիս։Հուլիսի 31-ին ադրբեջանցիները կրակ են բացել Երասխի ուղղությամբ, փորձել ամրաշինական աշխատանքներ կատարել, ավելի ուշ նրանք կրակել են սնունդ տեղափոխող մեքենայի վրա։

https://arm.sputniknews.ru/20210805/rd-agn-in-mtahogumen-hay-adrbejanakan-sahmani-mijadepery-28565712.html

ադրբեջան

2021

Լուրեր

am_HY

ռուսաստան, աշխարհ, հայաստան, ադրբեջան, հայ-ադրբեջանական, սահման, դեմարկացիա, սահմանապահ, դելիմիտացիա