12:17 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Նոյյան տապանի  մանրակերտը

Նոյյան տապանի մանրակերտը Հռոմի պապը Վատիկան կտանի

© REUTERS / Alessandro Bianchi
Հասարակություն
Ստանալ կարճ հղումը
180 0 0

Հռոմի պապը նվեր է ստացել է Նոյյան տապանի մանրակերտը` լցված աշխարհի տարբեր անկյուններից ժամանած հայորդիների բերած մեկական բուռ հողով։

ԵՐԵՎԱՆ, 25 հունիսի — Sputnik. Երբ Հանրապետության հրապարակում ավարտվեց խաղաղության միասնական աղոթքը, հնչել է Հայ Առաքելական Եկեղեցու Դամասկոսի թեմի առաջնորդ Տեր Արմաշ եպիսկոպոս Նալբանդյանի ձայնը.

«Ձերդ Սրբություն, Հայաստան Ձեր պատմական այցի առիթով, որը Դուք կոչել եք ուխտագնացություն, մեր ժողովրդի անունից Ձեզ պիտի փոխանցվի մի խորհրդանշական նվեր՝ Նոյյան տապանի մանրակերտը: Նոյյան տապանը, որ իջավ Արարատի գագաթին, մնայուն խորհրդանիշն է մարդկության փրկության ու վերածննդի: Վերջին տարիներին այսպիսի փրկության տապան եղավ նաև Հայաստանը՝ Մերձավոր Արևելքից փախստական դարձած հազարավոր ընտանիքների համար, ովքեր շառավիղներն են Հայոց Ցեղասպանությունից հրաշքով փրկված հայերի:

Եվ այժմ Սիրիայից, Իրաքից, Լիբանանից, Արաբական Միացյալ Էմիրություններից, Եգիպտոսից, Թուրքիայից, Իսրայելից, Հորդանանից, Քուվեյթից, Իրանից ժամանած հայորդիներ իրենց հետ բերած մեկական բուռ հող կավելացնեն այս տապանի մեջ, ուր պիտի դրվի հայկական խաղողի տունկը: Խորհրդանշական աղյուսները Սուրբ Պետրոսի Աթոռում թող մնայուն հիշատակ լինի Նոյյան տապանն իր մեջ կրող Հայաստան աշխարհից՝ որպես մասունք աշխարհում խաղաղության համար մատուցված հոգեպարար այս արարողությունից»։

 

Գլխավոր թեմաներ