ԵՐԵՎԱՆ, 31 հուլիսի — Sputnik. Հանրապետության տարածքում հուլիսի 31-ին` երեկոյան ժամերին, օգոստոսի 1-ին շրջանների մեծ մասում, 2-ին` հյուսիսային առանձին շրջաններում, օրվա երկրորդ կեսին սպասվում է կարճատև անձրև և ամպրոպ, ամպրոպի ժամանակ` քամու ուժգնացում` 15-20 մ/վ արագությամբ: Այս մասին հայտնում է «Հիդոմետ» ծառայությունը:
Օգոստոսի 3-4-ը սպասվում է առավելապես առանց տեղումների եղանակ:
Քամին կլինի հյուսիս-արևելյան` 2-7 մ/վ արագությամբ:
Օդի ջերմաստիճանը օգոստոսի 2-4-ը կբարձրանա 2-3 աստիճանով:
Երևանում հուլիսի 31-ին` երեկոյան ժամերին, օգոստոսի 1-ին սպասվում է կարճատև անձրև և ամպրոպ, ամպրոպի ժամանակ քամու ուժգնացում` 18-20 մ/վ արագությամբ: Օգոստոսի 2-4-ը սպասվում է առանց տեղումների եղանակ:
Հուլիսի 31-ին և օգոստոսի 1-ին օդի ջերմաստիճանը կլինի 31-33 աստիճան, օգոստոսի 2-ին՝ 32-33, օգոստոսի 3-ին՝ 33-35, օգոստոսի 4-ին՝ 34-36 աստիճան տաքություն:
