ԵՐԵՎԱՆ, 31 հուլիսի — Sputnik. Պարզվում է՝ պատանդները դեռ երեկ երեկոյան լքել են գրավված գնդի շենքը:
Առողջապահության նախարարությունը հաստատում է պատանդներին ազատ արձակելու փաստը:
«Պատանդ մնացած երկու բուժաշխատողները երեկ երեկոյան լքել են գրավված գնդի շենքը»,- Sputnik Արմենիային ասաց Հայաստանի առողջապահության նախարարության մամուլի քարտուղար Անահիտ Հայթայանը:
Նշնեք, որ «Սասնա ծռեր» խմբի անդամ Վարուժան Ավետիսյանը 1in.am-ին հայտնել էր, որ իրենք պատանդի կարգավիճակում չեն պահել բժիշկներին, նրանց նկատմամբ հսկողություն չի եղել և թույլատրել են ցանկացած պահին հեռանալ: «Եվ երեկ մեր ժամապահը նկատեց, որ վերջում մնացած երկու բժիշկներն էլ իրենց կամքով հեռացան: Մենք ասել էինք՝ ձեր խղճին կմնաք, թե որ որոշեցին գնան. Աստված իրենց հետ: Նրանք այստեղ հատուկ հսկողության տակ չեն եղել»,- ասել էր Ավետիսյանը:
