22:20 24 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Դատարան

Հրապարակվեց Հայաստանում իշխանության զավթում ծրագրած խմբի անդամների դատավճիռը

© Sputnik / Максим Богодвид
Հասարակություն
Ստանալ կարճ հղումը
51 0 0

Մարաշում հայտնաբերված և Հայաստանում իշխանության զավթում ծրագրած խմբի չորս անդամները դատապարտվեցին 1,5-3,5 տարվա ազատազրկման։

ԵՐԵՎԱՆ, 8 սեպտեմբերի — Sputnik. Մարաշում հայտնաբերված զենքի վերաբերյալ առաջին գործով սեպտեմբերի 8-ին հրապարակվեց մեղադրական դատավճիռ, հայտնում է pastinfo-ն:

Ամբաստանյալներ Հակոբ Հակոբյանը և Անուշավան Ավետիսյանը մեղավոր ճանաչվեցին ՀՀ քրեական օրենսգրքի 235-րդ հոդվածի 2-րդ մասով և դատապարտվեցին ազատազրկման՝ համապատասխանաբար 3.5 և 3 տարի ժամկետով, իսկ ամբաստանյալներ Ստեփան Չիլինգարյանը և Հարություն Հովհաննիսյանը մեղավոր ճանաչվեցին ՀՀ քրեական օրենսգրքի 235-րդ հոդվածի 1-ին մասով և դատապարտվեցին 1.5 տարվա ազատազրկման:

Բոլոր ամբաստանյալների նկատմամբ ընտրված խափանման միջոց կալանավորումը մնաց անփոփոխ՝ մինչև դատավճռի օրինական ուժի մեջ մտնելը:

Առգրավված զենքը, պայթուցիկ նյութերը և ռազմամթերքը կթողնվի ԱԱԾ տնօրինմանը:

Նշենք, որ գործի քննությունը ամբաստանյալների միջնորդությամբ անցկացվել է արագացված կարգով. բոլոր 4 ամբաստանյալներն ընդունել են առաջադրված մեղադրանքը:

Ըստ ԱԱԾ տեղեկության` խումբը սկսել է ձևավորվել 2015 թվականի մայիսից, իսկ հարձակումը նախատեսվում էր իրականացնել նույն թվականի ԱԺ նոյեմբերյան նստաշրջանից հետո։

Գլխավոր թեմաներ