ԵՐԵՎԱՆ, 29 նոյեմբերի — Sputnik. Դիմա Բիլանը Instagram-ի իր էջում տեսանյութ է հրապարակել, որում հայկական երաժշտություն է հնչում: Երգչի հրապարակած տեսանյութում հնչում է Մարգարիտա Պոզոյանի և Արծվիկի «Հարազատ իմ քույր» երգը:
Հրապարակած տեսանյութի տակ Բիլանը սրտիկ է դրել: Ավելի ուշ նա մեկ այլ տեսանյութ է հրապարկել, որում երևում է, թե ինչպես է երգիչը հայերեն երգում: Հիշեցնենք, որ Բիլանը ռուսական «Ձայնը» նախագծում Մարգարիտա Պոզոյանի մարզիչն էր:
Իր հրապարակման տակ երգիչը գրել է Մարգարիտային. «Ես միշտ ❤ եմ քեզ և կսիրեմ. Դու «ամենա»-ն ես»:
Հազարավոր երկրպագուներ ունեցող երգիչն այս տարվա մարտին ժամանել էր Երևան և Instagram-ի իր էջում լուսանկարներ էր հրապարակել Ծիծեռնակաբերդի Հավերժ կրակի ու Հայաստանի վերածնունդը խորհրդանշող կոթողի մոտ: Նա գրել էր. «Այստեղ անչափ ուժեղ էներգետիկա կա»:
