01:55 21 սեպտեմբերի 2017
Ուղիղ եթեր
ՀՀ քննչական կոմիտե

Գեղարքունիքի փոխմարզպետի որդու սպանության գործը հանգուցալուծվում է

© Официальный сайт СКА
Հասարակություն
Ստանալ կարճ հղումը
130 0 0

Գեղարքունիքի փոխմարզպետի որդու սպանության համար մեղադրանք է առաջադրվել Մեխակ Հարությունյանին:

ԵՐԵՎԱՆ, 11 հունվարի — Sputnik. Ինչպես տեղեկացրել է ՀՀ քննչական կոմիտեն, հունվարի 7-ին, ժամը 12-ի սահմաններում, 29-ամյա Հայկ Անդրանիկի Հակոբյանը գլխի և պարանոցի շրջանում հրազենային վնասվածքներով տեղափոխվել էր հիվանդանոց, որտեղ արձանագրվել էր նրա մահը։

Նույն օրը Գեղարքունիքի մարզային քննչական վարչությունում հարուցվել էր քրեական գործ: Նախաքննության ընթացքում պարզվել է, որ իրեն պատկանող «ԱՈՒԴԻ-Q7» մակնիշի ավտոմեքենայում գտնվող Հայկ Հակոբյանի ուղղությամբ կրակոցներ են արձակվել «Մակարով» տեսակի ատրճանակից:

Ավելի ուշ պարզ դարձավ, որ Հայկ Հակոբյանի և Մեխակ Հարությունյանի միջև պարբերաբար վիճաբանություններ են եղել ավտոմեքենա վարելու հարցի շուրջ: Դրանցից վերջինն էլ հունվարի 7-ին ավարտվել է սպանությամբ: Հայկ Հակոբյանի վրա ատրճանակից 7 կրակոց է արձակվել:

Դեպքից որոշ ժամանակ անց, Մեխակ Հարությունյանը ներկայացել էր ոստիկանության քրեական հետախուզության գլխավոր վարչություն՝ ներկայացնելով նաև հանցագործության գործիք ատրճանակը։

Հայկ Հակոբյանը Գեղարքունիքի փոխմարզպետ Անդրանիկ Հակոբյանի որդին էր, բնակվում էր Նորատուս գյուղում, ամուսնացած էր, ուներ 2 երեխա:

 

Գլխավոր թեմաներ