06:55 16 հուլիսի 2018
Ուղիղ եթեր
  • USD481.17
  • GBP631.92
  • EUR559.84
  • RUB7.73
Դպրոց

Վարչապետը լսել է Անահիտ Բախշյանի ահազանգը

© Sputnik / Asatur Yesayants
Հասարակություն
Ստանալ կարճ հղումը
14810

ՀՀ վարչապետը կրթության և գիտության, տարածքային կառավարման և զարգացման նախարարներին, մազպետներին ու Երևանի քաղաքապետին հանձնարարեց ուսումնասիրել դպրոցների շենքային պայմանները։

ԵՐԵՎԱՆ, 12 հունվարի — Sputnik. Վարչապետ Կարեն Կարապետյանը հանձնարարեց առաջարկություններ ներկայացնել երեխաների կրթական պրոցեսը համապատասխան պայմաններում կազմակերպելու վերաբերյալ։

«Երկշաբաթյա ժամկետում ներկայացնել առաջարկություններ շենքային ոչ բարվոք պայմաններ ունեցող ուսումնական հաստատությունների վերակոմպլեկտավորման կամ այլ հնարավոր լուծումների վերաբերյալ»,- ասաց վարչապետը։

Գործադիրի ղեկավարն ավելացրեց, որ խնդրի հանդեպ ուշադրությունը սրվել է Արթիկի դպրոցի անմխիթար պայմանների մասին հրապարակումներից հետո։

Երևանի ավագանու անդամ Անահիտ Բախշյանը վերջերս սոցկայքերում գրել էր այդ հաստատության մասին` նշելով, որ Արթիկի թ.7 միջնակարգ դպրոցի վիճակը կառավարությանը պատիվ չի բերում։

«ՀՀ հարգելի կառավարություն, հարգելի պարոն վարչապետ Կարեն Կարապետյան, խնդրում եմ նայեք Արթիկի թ.7 միջնակարգ դպրոցի վիճակը: Ոչ մի կառավարությանը պատիվ չբերող, ընդհակառակը, անպատվաբեր վիճակ, պարզապես պարտավոր եք գտնել այս դպրոցը հիմնանորոգելու գումարը, հակառակ դեպքում սա պետության կողմից մեր երկրի երեխաների սահմանադրական՝ կրթության իրավունքի ոտնահարման և դատապարտման վառ օրինակ է, և, ցավոք, ոչ միայն այս դպրոցը, դրանց թիվը Հայաստանում 400-ի կարգի է»,- գրել էր Բախշյանը:

Գլխավոր թեմաներ