04:10 23 փետրվարի 2017
Ուղիղ եթեր
Երևան

Ընկուզային կոտրվածք կամ կոտրվածքն ի՞նչ տարիք ունի

© Sputnik/ Асатур Есаянц
Հասարակություն
Ստանալ կարճ հղումը
4610

Երկրի գլխավոր վնասվածքաբան Վաչագան Այվազյանը Sputnik մամուլի կենտրոնում կայացած ասուլիսի ընթացքում խոսեց ձմեռվա ընթացքում մարդկանց ստացած կոտրվածքների մասին և հայտնեց, թե մարդիկ որ տարիքում են առավել հաճախ վնասվածքներ ստանում։

ԵՐԵՎԱՆ, 17 փետրվարի — Sputnik. Հայաստանի առողջապահության նախարարության Վնասվածքաբանության և օրթոպեդիայի գիտական կենտրոնի տնօրեն, բժշկական գիտություների դոկտոր, պրոֆեսոր, ակադեմիկոսը վերջին 3 տարվա ընթացքում գրանցված կոտրվածքների ու վնասվածքների վերաբերյալ խոսելիս նշեց, որ դրանց թիվը տարիների ընթացքում շատ չի փոխվել։

Փոխարենը թեթև վնասվածքների դեպքում քաղաքացիներն ավելի հաճախ են սկսել դիմել պոլիկլինիկաներ, ինչը թեթևացրել է հիվանդանոցների գերբեռնվածությունը։

«Մեր բուժհաստատություն դիմածների 58 տոկոսը տուժել է ցուրտ ձմռան պատճառով։ Պետք է ասեմ, որ կանայք ավելի շատ են տուժել, քան տղամարդիկ։ Իսկ երեխաների ձեռքերն ավելի հաճախ են կոտրվում, որովհետև ընկնելիս հիմնականում հենվում են ձեռքերի վրա»,-ասաց նա։

Sputnik Արմենիայի հարցին, թե կա՞ արդյոք տարիքային շեմ, երբ մարդիկ ավելի հաճախ են կոտրվածքներ ստանում, մասնագետը հաստատական պատասխան տվեց։

«Տարիքի հետ մեր կմախքը դառնում է ավելի փափուկ, շուտ կոտրվող, հատկապես կանանց մոտ, երբ հորմոնային համակարգը փոփոխվում է, առաջանում է օստեոպորոզ»,- հանրապետության գլխավոր վնասվածքաբանը։

Նրա խոսքով` ամեն կոտրվածք բուժվում է պետպատվերի շրջանակում, բայց լինում են դեպքեր, երբ գործում է համավճարը` տրվող գումարի մի մասը պետությունն է իր վրա վերցնում, մյուս մասը` հիվանդը։

«Այս կես ամսվա ընթացքում պետպատվերի 40 տոկոսը լրացրել ենք։ Հիվանդների թիվը մեծացել է. պարզ է` երկարատև ու խիստ ձմեռ է։ Կարող եմ հարյուրավոր դեպքեր հիշել, բայց տուժածի համար ամեն դեպք ծանր է, իսկ մեզ համար ծանր դեպք գոյություն չունի»,- ասաց Այվազյանը։

Գլխավոր վնասվածքաբանի փորձը ցույց է տալիս, որ ձմռանն ավելի շատ ընկնում են ծերերը, իսկ ամռանը` երեխաները, երբ ավելի մեծ դաշտ կա վազելու, ընկույզ հավաքելու շրջանն է։ Այդ ժամանակ ստացած վնասվածքը բժիշկները հենց այդպես էլ անվանում են` ընկուզային կոտրվածք։

Русская версия

Вачаган Айвазян
© Sputnik/ Asatur Yesayants
Վաչագան Այվազյան