12:59 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հասարակություն
Ստանալ կարճ հղումը
17920

Առանց սթրեսի կյանքն անհետաքրքիր կլիներ։ Այս հակասական կարծիքի բացատրության համար կա գիտական հետազոտություն։ Պարզվում է` սթրեսը կարող է նաև դրականապես ազդել մարդու օրգանիզմի վրա։ Սթրեսի «նուրբ» կողմերը մեկնաբանել է Սթրեսի և ցավի կառավարման կենտրոնի ղեկավար Սոնա Հարությունյանը։

ԵՐԵՎԱՆ, 22 փետրվարի-Sputnik. Սթրեսն օրգանիզմի պաշտպանական ռեակցիա կարելի է համարել։ Այս կարծիքն ունի Սթրեսի և ցավի կառավարման կենտրոնի ղեկավար Սոնա Հարությունյանը։ Սթրեսի տեսակներ կան, որոնք օգնում են մտածել, մշակել խնդիրների լուծման տարբերակներ։ Հարությունյանի խոսքով` մարդիկ հաճախ սթրեսն ասոցացնում են բացասական կամ տհաճ զգացողության հետ։

«Իրականում սթրեսը դրական կողմեր էլ ունի։ Այն իր տեսակներով լինում է դրական և բացասական ։ Օրինակ` երբ ձեզ անսպասելի լավ լուր են հայտնում, ձեզ մոտ առաջանում է էուսթրես։ Իսկ դիսթրես կարող է առաջանալ տհաճ լուրեր իմանալիս»,-ասաց նա։

Էուսթրեսի որոշակի քանակը, մասնագետի խոսքով, ապահովում է որոշակի լարվածություն, բայց չի խանգարում մարդուն, ընդհակառակը, մոբիլիզացնում է նրա հնարավորությունները, թույլ է տալիս ավելի արդյունավետ գործել տվյալ իրավիճակում ու ավելի լավ արդյունքի հասնել։

Բայց սթրեսի երկու տեսակներն էլ ֆիզիոլոգիական տեսանկյունից նույն մեխանիզմով են ընթանում։

«Ընդունված է համարել, որ սուր սթրեսի տևականությունը 48 ժամ է։ Դրանից հետո, եթե ամեն օր կրկնվում է նույն միտքը, որը լուծում չի ստանում, այն ձեր կենսագործունեության վրա իր ազդեցությունն է ունենում և սկսում է ազդել ուշադրության, հիշողության վրա, դառնում եք նյարդային, հնարավոր է դրսևորվի լացկանություն»,-ասաց Սոնա Հարությունյանը։

Սթրեսի պակաս չունեցող մասնագիտություններից է լրագրությունը։ Առհասարակ, սթրեսներ հաճախ են ապրում այն մարդիկ, ովքեր հաճախակի շփումներ են ունենում հանրության լայն շրջանակների հետ։

Գլխավոր թեմաներ