21:04 20 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Գայանե Ենոքյան

Կատուների և շների «տիրուհին» ապրում է Գյումրիի տնակներից մեկում

© Sputnik / Armenuhi Mkhoyan
Հասարակություն
Ստանալ կարճ հղումը
57241

Գյումրիի «Բարեկամության այգու» տնակներից մեկի կողքով ցուրտ եղանակին անտարբերությամբ կանցնեք. քաղաքի մյուս տնակներից ոչնչով չի տարբերվում, իսկ շոգ եղանակին գարշահոտությունը կստիպի արագ լքել տարածքը: Այստեղ ապրում է «կատուների տիրուհին»` շների ու կատուների հետ։

Արմենուհի Մխոյան, Sputnik.

Գյումրիի «Բարեկամության այգի» 234/230 հասցեում, բացի Գայանե Ենոքյանից, ուրիշ ոք գրանցված չէ, բայց նա իրեն միայնակ չի զգում. 6 մետրանոց տնակում ապրում է 2 շան ու 7 կատվի հետ: 1988 թվականի Սպիտակի երկրաշարժին մնացել է Լենինականի Կարի գործարանի փլատակների տակ, որտեղից տեղափոխել են Երևան՝ բուժման: Լենինական վերադառնալով` մայրը բնակության համար տնակ է ստացել։ Նրանց շենքը չի փլվել, այլ վթարային լինելու պատճառով վերջին հարկերը հանել են, որտեղ և եղել է նրանց բնակարանը:

Մոր մահից հետո Գայանեն մնացել է մենակ: Տարրական պայմաններից զուրկ ժամանակավոր կացարանը կնոջ համար արդեն 29 տարի է` մշտական բնակության վայր է հանդիսանում:

Домик, в котором живет Гаяне Енокян
© Sputnik / Armenuhi Mkhoyan
Գայանե Ենոքյանն իր տնակի մոտ

Կինը թեև տնակում է բնակվում, բայց չգիտի՝ երբ է բնակարան ստանալու կամ արդյոք պետության կողմից շահառու ճանաչվելու է, թե ոչ: Բնակարանի հետ կապված հարցերի պատասխանները չգիտի, փոխարենը գիտի, որ առանց կենդանիների ապրել չի կարող։

Գայանեն իր կենդանիներին ինքնատիպ անուններով է կոչել, վստահեցնում է` բոլորն իրենց անվան տեր են:

«Շներին Բոբի ու Քոթքոտ եմ կոչել: Կատուներից այս մեկը «Խոզ» բնավորություն ունի, «Կարենը» ուտում է, երբ ուզում է, «Կյաժը» սիրում է էգ կատուներին ծեծել»,- պատմում է կինը, իսկ այդ ընթացքում 7 կատուներից 4-ը թավալ են գալիս տիրուհու անկողնում:

Կնոջ միակ եկամուտը նպաստն է, ժամանակին աշխատել է, բայց հիմա՝ ոչ: Անկեղծանում է՝ հարևաններն են երբեմն օգնում կատուների սննդի հարցում:

«Ես կենդանի սիրում եմ: Համ էլ տնակում մկների ու առնետների դեմ այսպես եմ պայքարում»,- ասում է նա:

  • Գայանե Ենոքյանի տնակում
    Գայանե Ենոքյանի տնակում
    © Sputnik / Armenuhi Mkhoyan
  • Գայանե Ենոքյանի տնակում
    Գայանե Ենոքյանի տնակում
    © Sputnik / Armenuhi Mkhoyan
  • Գայանե Ենոքյանի տնակում
    Գայանե Ենոքյանի տնակում
    © Sputnik / Armenuhi Mkhoyan
  • Գայանե Ենոքյանի տնակում բնակվող կատուները
    Գայանե Ենոքյանի տնակում բնակվող կատուները
    © Sputnik / Armenuhi Mkhoyan
  • Գայանե Ենոքյանի տնակում
    Գայանե Ենոքյանի տնակում
    © Sputnik / Armenuhi Mkhoyan
  • Գայանե Ենոքյան
    Գայանե Ենոքյան
    © Sputnik / Armenuhi Mkhoyan
  • Գայանե Ենոքյանի անձնագիրը
    Գայանե Ենոքյանի անձնագիրը
    © Sputnik / Armenuhi Mkhoyan
1 / 7
© Sputnik / Armenuhi Mkhoyan
Գայանե Ենոքյանի տնակում

Նրան չի հետաքրքրում, թե հարևաններն ինչպես են դիմանում շների հաչոցին ու համատարած գարշահոտությանը։

«Ես եմ պահում, հարևանների ի՞նչ գործն է: Խելոք կատուներ են»,- ասում է նա։

Հետո տեսնելով, որ ինձ ուղեկցող «Գյումրին առանց տնակների հիմնադրամի» աշխատակիցները արագ լքում են տնակը` արդարանում է. «Երևի տհաճ հոտից փախան: Չեմ հասցրել դեռ մաքրել: Կատուներն էլ ողջ գիշեր տնակում են եղել»։

Հետաքրրքվում եմ՝ եթե բնակարան ստանա, ի՞նչ է անելու կենդանիներին:

«Բաց կթողնեմ»,-փորձում է համոզել նա:

Գայանեի տնակային պայմանները շատերի համար անհավանական կթվա՝ արդեն 29 տարի ապրում է առանց ջրի ու զուգարանի, բայց կատուների ու շների ընկերակցությամբ։ Փաստացի անօթևան կինն անօթևանի կարգավիճակ չունի։ Վստահեցնում է` տարիների ընթացքում գումարի կամ վկայագրի տեսքով ոչ մի փոխհատուցում չի ստացել պետությունից: Ասում է`փաստաթղթերը ժամանակացույցից ուշ է ներկայացրել, այդ պատճառով էլ պետությունը նրան կացարան տրամադրելու պարտավորություն չունի։ Ասել է թե` բնակարան ստանալու հավանականությունը զրո է, եթե միայն բարի մարդիկ չխղճան: Բնակարանի հարցը կլուծվի, թե ոչ, հայտնի չէ, իսկ մինչև այդ հարակից տնակներում ապրող հարևանները ստիպված են դիմանալ աննկարագրելի գարշահոտությանը, շան հաչոցներին ու կատուների մլավոցներին։

© Sputnik / Արմենուհի Մխոյան
Գայանե Ենոքյանը Գյումրիի տնակներից մեկում ապրում է 2 շան ու 7 կատվի հետ

Գլխավոր թեմաներ