ԵՐԵՎԱՆ, 28 փետրվարի —Sputnik. Բնապահպանության նախկին նախարար Արամայիս Գրիգորյանը չի հաշտվում նախարարի աթոռը կորցնելու հետ։ Նախարարության մեր աղբյուրի փոխանցմամբ` նախկին նախարարը պարբերաբար զանգում է նախարարության իր նշանակած կադրերին և սպառնում նրանց` ներկայիս նախարարի հետ համագործակցելու համար։
Նա փորձում է այդ մարդկանց վախեցնել` ասելով, որ ընտրություններից հետո վերադառնալու է իր նախկին պաշտոնին և աշխատանքից ազատելու է իր պահանջը չկատարողներին։
Մեր աղբյուրի փոխանցմամբ` նախկին նախարարն այդպես է վարվել պաշտոնից հեռանալու առաջին իսկ օրվանից, իսկ նրա այժմյան ակտիվացումը պայմանավորված է աշխատակիցների ներկայիս նախարարի հետ լավ հարաբերություններով։