22:09 24 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Բժշկական կենտրոն

Թղթային անկետաները վերանում են. առողջապահությունը «էլեկտրոնային» ճանապարհն է բռնել

© Sputnik / asatur Yesayants
Հասարակություն
Ստանալ կարճ հղումը
12830

ՀՀ առողջապահության նախարարության էլեկտրոնային առողջապահության համակարգի ներդրման հանձնաժողովի նախագահ Վարդան Գևորգյանը Sputnik Արմենիա միջազգային մամուլի կենտրոնում ներկայացրեց Հայաստանում էլեկտրոնային համակարգի ներդրման մանրամասները։

ԵՐԵՎԱՆ, 1 մարտի — Sputnik. 2-3 տարի տևեց, մինչ առողջապահության էլեկտրոնային համակարգը մշակվեց։ 2017 թվականի հունվարի 1-ից մեկնարկել է պետպատվեր իրականացնող բուժհաստատություններում համակարգի ներդրման անցումային փուլը։ Համակարգում ներմուծվել է 480 բուժհաստատությունների վերաբերյալ ամբողջ տեղեկատվությունը։ Ի դեպ, համակարգը միացվել է պետական ռեգիստրին։ ՀՀ առողջապահության նախարարության էլեկտրոնային առողջապահության համակարգի ներդրման հանձնաժողովի նախագահ Վարդան Գևորգյանի խոսքով` դրանով կբացառվեն քաղաքացիների կրկնակի մուտքագրման, կրկնակի ֆինանսավորման հնարավոր դեպքերը։

«Մինչ այժմ էլեկտրոնային միասնական համակարգ մեր երկրում չկար։ Հիմա քաղաքացիներին հնարավորություն է տրվում էլեկտրոնային եղանակով ծանոթանալ իրենց բժշկական պատմությանը։ Արդյունքում ակնկալվում է, որ քաղաքացին կկարողանա ցանկացած վայրից մուտք գործել անձնական էջ ու այնտեղ տեսնել`երբ և ինչ բուժհաստատություն է այցելել, ինչ ծառայություններ են մատուցվել»,-ասաց մասնագետը։

Այսպիսով, հիվանդը բժշկի այցելելիս կարիք չի ունենա իր հետ տանել նախկին այցելությունների ընթացքում արված գրանցումներն ու ստուգումների պատասխանները։ Քաղաքացու թույլտվությամբ բժիշկն էլ մուտք է գործում նրա անձնական էջ ու ծանոթանում տեղեկատվությանը։

Вардан Геворкян
© Sputnik / Aram Nersesyan
Վարդան Գևորգյան

«Բացի այդ, քաղաքացին դեղատուն այցելելով` կարիք չի ունենա իր հետ տանել բժշկի տված դժվարընթեռնելի նշանակումները։ Դեղատան աշխատակիցներն էլեկտրոնային համակարգի միջոցով դուրս կգրեն պետպատվերի շրջանակում կամ վճարովի հիմունքով տրվող համապատասխան դեղամիջոցները»,-ասաց Վարդան Գևորգյանը։

Քաղաքացիները հաճախ են ահազանգում` դիմում են տվյալ բուժհաստատություն պետպատվերից օգտվելու համար, իսկ հաճախ ստանում են հետևյալ պատասխանը` պետպատվերի ծավալները սպառվել են։ Sputnik Արմենիայի հարցին, թե արդյոք համակարգի միջոցով հնարավո՞ր է հետևել, թե որ բուժհաստատությունում պետպատվերի քանի տեղ կա, Գևորգյանը պատասխանեց` դեռ նման հնարավորություն չկա։

«Հիմա աշխատանքներ ենք տանում, որ նման տեղեկատվություն հնարավոր լինի ցուցադրել նաև քաղաքացիներին, որպեսզի քաղաքացին նախապես իմանա` արդյոք կարո՞ղ է այս կամ այն ծառայությունից օգտվել պետական պատվերի շրջանում»,-ասաց նա։

Էլեկտրոնային առողջապահության համակարգին կարելի է միանալ armed.am հասցեում` նույնականացման քարտի տվյալները լրացնելով։ Գրանցումն անվճար է։

© Sputnik .
Մասնագետը ներկայացնում է էլեկտրոնային առողջապահության համակարգից օգտվելու ձևը
Русская версия

Գլխավոր թեմաներ