19:58 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Բացիկներ հայ կանանց` վիրավոր զինվորներից

Բացիկներ հայ կանանց` վիրավոր զինվորներից

© Sputnik / Asatur Yesayants
Հասարակություն
Ստանալ կարճ հղումը
53660

Կանանց տոնի շնորհավորական բացիկ՝ արցախյան պատերազմում վիրավորված զինվորի ձեռքով: Գաղափարը Երևանի բժշկական համալսարանի ռեկտոր Արմեն Մուրադյանինն է, որին միացել են նաև արվեստի ու սպորտի աշխարհահռչակ հայ գործիչները:

ԵՐԵՎԱՆ, 2 մարտի — Sputnik, Նելլի Դանիելյան. Մարտի 8-ի շնորհավորական բացիկով կարելի է ոչ միայն շնորհավորել կանանց, այլև աջակցել Արցախում վիրավորված ու մինչ օրս վերականգնողական բուժում ստացող հայ զինվորին: Երևանի բժշկական համալսարանի ռեկտոր Արմեն Մուրադյանի այս գաղափարն արդեն իրականություն է: Գաղափարի իրականացմանն աջակցել են Փանոս Թերլեմեզյանի անվան գեղարվեստի պետական քոլեջի ուսանողները:

«Կարևոր չէր, որ զինվորն ամբողջական բացիկը նկարեր: Կարևոր էր, որ նա վրձինը ձեռքն առներ ու հասակակից թերլեմեզյանցիների օգնությամբ իր հերոսության մի մասնիկը փոխանցեր բացիկին, որը հասցեատիրոջը հասնելով` նրան էլ պիտի մասնակից դարձնի իր սխրանքին»,- Արմեն Մուրադյանը Sputnik Արմենիայի խնդրանքով ներկայացրեց նախաձեռնության գաղափարական նշանակությունը:

Վերականգնողական բուժմանը զուգահեռ մասնագետները կարևորում են նաև զինվորների հոգեբանական վերականգնման՝ սոցիալականացման անհրաժեշտությունը: Բացիկների պատրաստման գործընթացը, նկարչությունը դրա լավագույն տարբերակներից են: Իսկ հասարակության մասնակցությունը ծրագրին զինվորին պետք է ևս մեկ անգամ վստահեցնի՝ նրա կարիքը հայրենիքն այսօր էլ ունի:

  • Արմեն Մուրադյանի գաղափարի իրականացմանն աջակցել են Փանոս Թերլեմեզյանի անվան գեղարվեստի պետական քոլեջի ուսանողները
    Արմեն Մուրադյանի գաղափարի իրականացմանն աջակցել են Փանոս Թերլեմեզյանի անվան գեղարվեստի պետական քոլեջի ուսանողները
    © Sputnik / Asatur Yesayants
  • Բացիկներ հայ կանանց` վիրավոր զինվորներից
    Բացիկներ հայ կանանց` վիրավոր զինվորներից
    © Sputnik / Asatur Yesayants
  • Բացիկներ հայ կանանց` վիրավոր զինվորներից
    Բացիկներ հայ կանանց` վիրավոր զինվորներից
    © Sputnik / Asatur Yesayants
  • Բացիկներ հայ կանանց` վիրավոր զինվորներից
    Բացիկներ հայ կանանց` վիրավոր զինվորներից
    © Sputnik / Asatur Yesayants
1 / 4
© Sputnik / Asatur Yesayants
Արմեն Մուրադյանի գաղափարի իրականացմանն աջակցել են Փանոս Թերլեմեզյանի անվան գեղարվեստի պետական քոլեջի ուսանողները

«Մեր տղաները վնասվածքները ստացել են ոչ թե դահուկ քշելիս կամ դժբախտ պատահարի հետևանքով, այլ մեր ու մեր երեխաների անվտանգությունն ապահովելիս, մեր երկրի ու պետականության սահմաններն անառիկ պահելիս, և կարծում եմ` նրանց յուրաքանչյուրի վնասվածքների մի մասը նաև մերն է, և նրանց վերականգնման գործընթացին մասնակցելը դառնում է բոլորիս պարտքը»,- ասաց Մուրադյանը:

Ծրագրի առաջին իսկ օրից Արմեն Մուրադյանը չի կասկածել դրա հաջողությանն ու հասարակական մասնակցությանը:

Հայ զինվորի ձեռքով պատրաստված հարյուրավոր բացիկներն այսօր սպասում են իրենց հասցեատերերին:

Դրանք գնելու ցանկություն հայտնողներն արդեն այնքան շատ են, որ ծրագրի հեղինակները վախենում են չհասցնեն բավարարել պահանջարկը:

Պաշտպանության նախարարությունն առաջին պետական կառույցն է, որ ցանկություն է հայտնել այս տարի կանանց շնորհավորել հենց զինվորի պատրաստած բացիկներով: Խորհրդանշական ակցիային միացել են նաև արվեստի ու սպորտի մի շարք գործիչներ՝ նկարիչ Նուռը, Հայաստանի պետական երիտասարդական նվագախմբի գլխավոր դիրիժոր Սերգեյ Սմբատյանը, որը նաև ներկա է եղել ու մասնակցել է բացիկների ստեղծման աշխատանքներին, անգլիական «Մանչեսթեր Յունայթեդի» և ֆուտբոլի Հայաստանի ազգային հավաքականի կիսապաշտպան Հենրիխ Մխիթարյանը, որը պատրաստվում է այս տարի մարտի ութին իր հարազատներին հենց այդ բացիկներով շնորհավորել:

Բացիկների մի խմբաքանակը վաճառքի է հանվելու երևանյան ծաղկի ու հուշանվերների խանութներում:

Վաճառքից ստացված հասույթն էլ ուղղվելու է վերականգնողական նոր կենտրոնի վերանորոգմանը, որտեղ հերոս զինվորները պետք է շարունակեն իրենց ապաքինումը:

«Այս բացիկներից յուրաքանչյուրին զինվորի ձեռք է դիպել: Ինձ համար դրանք անգին են»,- ցույց տալով իր աշխատասեղանին դրված բազմաթիվ բացիկները՝ ասաց Մուրադյանը։ Հետո առանձնացրեց դրանցից մեկն ու ավելացրեց. «Սա ամենաառաջին պատրաստված բացիկն է, որը շատ եմ հավանել ու որոշել եմ գնել ու մարտի 8-ին մայրիկիս նվիրել»:

Акция медицинского университета Армении: Подарочные открытки, сделанные военнослужащими
© Sputnik / Asatur Yesayants
Արմեն Մուրադյանն այս բացիկը շատ է հավանել և պատրաստվում է նվիրել մայրիկին

Մուրադյանը վստահ է՝ ծրագիրը նոր է թափ հավաքում և մարտի 8-ին չի ավարտվի, կշարունակվի մինչև ապրիլի 7-ը:

Իսկ ապրիլի 7-ից հետո զինվորները նոր զբաղմունք կունենան: Մուրադյանն արդեն մտածում է ծրագրի շարունակության մասին:

Գլխավոր թեմաներ