03:18 28 մայիսի 2017
Ուղիղ եթեր
Լևոն Հովակիմյան

Հայ պատանին նվաճում է աշխարհը` ակորդեոն նվագելով

личный архив семьи Овакимян
Հասարակություն
Ստանալ կարճ հղումը
6811

Կրասնոդարի երկրամասում բնակվող տաղանդավոր ակորդեոնահար Լևոն Հովակիմյանը հասցրել է գերել Ռուսաստանի և Եվրոպայի երաժշտասերներին։

ԵՐԵՎԱՆ, 20 մարտի — Sputnik. Պատանի վիրտուոզ ակորդեոնահար Լևոն Հովակիմյանը, որը 15 տարեկանում արդեն մեծ բարձունքների է հասել, ապրում է Ապշերոնսկ քաղաքում։ Sputnik Արմենիայի հետ զրույցում Լևոնի հայրը` Արմեն Հովակիմյանը, պատմել է, թե Լևոնը երբ և ինչպես է սկսել զբաղվել երաժշտությամբ։

«Նա 15 տարեկան է, 7 տարեկանից հաճախում է երաժշտական դպրոց, սովորում է 9-րդ դասարանում, ակորդեոնի նախավերջին դասարանում է։ Լևոնը մշտապես մասնակցում է տարբեր մրցույթների և առաջին հորիզոնականներ զբաղեցնում։ Թեև վերջին մրցույթում նա զբաղեցրել է առաջին տեղը, բայց անձամբ չի մասնակցել մրցույթին։ Մենք տեսագրությունն ուղարկել ենք Լոնդոնի 3-րդ միջազգային մրցույթի կազմակերպիչներին։ Ժյուրիի անդամները լսել են Լևոնի նվագը և առաջին տեղը նրան շնորհել», — պատմել է Հովակիմյանը։

Նրա խոսքով` սկզբում ակորդեոն է նվագել նրա ազգական Արարատը։ Հիմա Լևոնը նվագում է Արարատի ակորդեոնով։ Ինչպես պատմել է պատանի ակորդեոնահարի հայրը, Լևոնը սկսել է երաժշտությամբ զբաղվել դպրոց գնալուց հետո։ «Բացի այդ, նա մշտապես մասնակցում է օլիմպիադաների և մրցույթների, ակտիվ զբաղվում է մաթեմատիկայով։ Միաժամանակ նրան ոչ ոք չի ստիպել ակորդեոն նվագել։ Առայժմ նա չգիտի, թե ինչ մասնագիտություն է ընտրելու։ Նա ուզում է կյանքը կապել երաժշտության հետ, բայց մաթեմատիկան նույնպես չի մոռանում», — նշել է Հովակիմյանը։

Аккордеонист Левон Овакимян
личный архив семьи Овакимян
Լևոն Հովակիմյան

Հոր կարծիքով` Լևոնը կարող է հայտնի ակորդեոնահար դառնալ, բայց միևնույն ժամանակ նրա հափշտակությունը լուրջ չի համարում։

«Օրինակ` երգիչները հնարավորություն ունեն հյուրախաղերով շրջել տարբեր երկրներում։ Բայց ես չեմ լսել աշխարհահռչակ ակորդեոնահարի մասին», — ասել է Հովակիմյանը։ Նրա խոսքով` պատանի վիրտուոզն ակտիվ չէ սոցիալական ցանցերում, ամբողջ ժամանակը նվիրում է ուսմանն ու երաժշտական դպրոցում պարապմունքներին։ Լևոն Հովակիմյանն արդեն հասցրել է մասնակցել տարբեր մակարդակի մրցույթների և փառատոների։

Նա երեք անգամ առաջին տեղն է զբաղեցրել Գելենջիկում կազմակերպված երաժշտական մրցույթներում։ Հայ ակորդեոնահարը ստացել է նաև առաջին աստիճանի դիպլոմ, հատուկ պատվոգիր` Յ. Ս. Բախի ստեղծագործությունների լավագույն կատարման համար և արժանացել է Կրասնոդարի երկրամասի լավագույն կատարողների գալա համերգը բացելու պատվին։

Русская версия

Գլխավոր թեմաներ