ԵՐԵՎԱՆ, 25 ապրիլի — Sputnik. Ըմբիշ Միհրան Հարությունյանը Instagram-ի իր էջում լուսանկարներ և տեսանյութեր է տեղադրել` նշելով, որ հպարտությամբ է մասնակցում Ցեղասպանության զոհերի հիշատակին նվիրված երթին։
«Շատ հպարտ եմ լինել այստեղ, ինձ համար սա մեծ պատիվ է: Այսօր մեզ համար շատ ցավալի ու ողբերգական օր է, բայց մենք միշտ հաղթահարում ենք սա: Երբ միասնական ենք ու միավորված, մենք անպարտելի ենք»,- գրել է ըմբիշը:
Նրա խոսքով` կարող ենք փոխել մեր նպատակները, բայց երբեք իրավունք չունենք փոխելու մեր արժեքները, սա մեր պատմությունն է, մեր կրոնն է:
«Շնորհակալություն այսօրվա համար, որ կարողացել եք այսպես հավաքվել, միավորվել՝ որպես մեկ բռունցք: Սա լավագույնն է ինձ համար: Մենք ամեն ինչ անում ենք՝ ի փառս մեր հայրենիքի, մեր երկրի»,- ասել է Միհրան Հարությունյանը: