ԵՐԵՎԱՆ, 17 մայիսի- Sputnik. ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մայիսի 17-ին՝ ժամը 10:00-ի դրությամբ, Վանաձոր-Ալավերդի- Վրաստանի սահման միջպետական նշանակության ավտոճանապարհին (Հաղպատի խաչմերուկ) տեղի ունեցած փլուզման հետևանքները վերացնելու համար ժամանակավորապես ճանապարհի այդ հատվածը չի գործում։
Մասնավորապես, կկատարվեն ճանապարհը քարաբեկորներից մաքրելու աշխատանքներ, որի պատճառով նշված հատվածում երթևեկությունը ժամանակավորապես դադարեցվել է:
