ԵՐԵՎԱՆ, 14 հունիսի – Sputnik. Գոհար Սարգսյան. Պատմական լուսանկարի հեղինակը Մարտին Շահբազյանն է, ով տարիներ շարունակ ՀՀ նախագահներ Ռոբերտ Քոչարյանի ու Սերժ Սարգսյանի անձնական լուսանկարիչն է եղել։ Նա հետաքրքիր մանրամասներ պատմեց այն դրվագի մասին, որը պատկերված է լուսանկարում։
«Բաղրամյանը հաճախ էր մեկ-երկու շաբաթով գալիս Հայաստան։ Այն ժամանակ Կարեն Դեմիրճյանը Կենտկոմի առաջին քարտուղարն էր։ Նա ինձ ասաց` Բաղրամյանն ուր գնա, պետք է նկարես, որ պատմություն հավաքենք։ Կարեն Սերոբիչը հրահանգեց նաև` Բաղրամյանին համոզիր, որ մտնի «Սարալանջի» մետրո, այն հետագայում կոչվելու է նրա անունով, մարդու չասես»,–պատմեց Մարտին Շահբազյանը։
Տեղեկացնենք, որ «Մարշալ Բաղրամյան» մետրոյի կայարանը բացվել է 1981 թվականի մարտին` ճարտարապետներ Կնտեղցյանի և Զուրաբյանի նախագծերով։
Ամբողջական տեսանյութը կարող եք դիտել «Ալինա Օրդյանի հետ. Երևանի ստորգետնյա և վերգետնյա գաղտնիքները» հաղորդաշարում։
