ԵՐԵՎԱՆ, 4 հուլիսի — Sputnik. «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը վայելում է հանգստի վերջին օրը։ Այս մասին ֆուտբոլիստը հայտնել է ֆեյսբուքյան իր էջում։
Գրառումից կարելի է եզրակացնել, որ Միկին մեծ խանդավառությամբ է պատրաստվում հերթական և, հուսանք, ոչ պակաս հիասքանչ ֆուտբոլային խաղաշրջանին։
«Վայելում եմ արձակուրդիս վերջին օրը: Անհամբերությամբ սպասում եմ գալիք մրցաշրջանի մեկնարկին»,- գրել է Մխիթարյանը։
Ֆուտբոլիստի գրառմանը հաջորդած մեկնաբանություններում օգտատերերը փորձում են հասկանալ, թե Մխիթարյանը որտեղ է անցկացնում արձակուրդը։ Շատերը ենթադրում են, որ նա լուսանկարվել է Մոնակոյում, մյուսները նշում են, որ ֆուտբոլիստը Պորտուգալիայում է։
Մխիթարյանը վերջերս նաև Հայաստան էր այցելել և երկրպագուներին ուրախացրել հայաստանյան լուսանկարներով։ Նշենք, որ մեծ աղմուկ էին բարձրացրել հատկապես ռուս մոդել Վիկտորյա Լոպիրևայի հետ լուսանկարները։