ԵՐԵՎԱՆ, 18 հուլիսի — Sputnik. «Հայկական PR ասոցիացիան» արդեն 2–րդ տարին է ինչ դիտարկում է հայաստանյան PR և տեղեկատվական ոլորտներն՝ առանձնացնելով այդ ոլորտներում լավագույնս իրենց դրսևորած կազմակերպություններին և անհատներին: «Մրցանակաբաշխությունը նպաստում է մասնագիտական դաշտում առողջ մրցակցությանը, ստեղծագործականության, ինքնատիպ և առաջադեմ մտածողության զարգացմանը»,– նշեց ՀԿ նախագահ Աստղիկ Ավետիսյանը:
Մրցանակաբաշխության ընթացքում հայաստանյան լավագույն ԶԼՄ-ների շարքում Արմենպրեսի և Ճամփորդ շաբաթաթերթի կողքին հայտարարվեց նաև Sputnik Արմենիայի անունը: Մրցանակը տրվեց Արմենպրես լրատվական գործակալությանը:
Հատուկ մրցանակի արժանացավ Արցախի վարչապետի մամուլի քարտուղար Արտակ Բեգլարյանը։ Տարվա մամուլի քարտուղար հայտարարվեց ՀՀ ԱԳՆ մամուլի քարտուղար Տիգրան Բալայանը: Տարվա իրադարձությունը՝ «Ուխտագնացություն 1–ին Քրիստոնյա երկիր՝ Հռոմի պապի այցը Հայաստան»։ Տարվա քաղաքական գործիչը՝ «ԵԼՔ» դաշինիք պատգամավոր Նիկոլ Փաշինյանն է, հրապարակային գործիչը` վարչապետ Կարեն Կարապետյանը։ Տարվա նախաձեռնություն հռչակվեց «Ավրորա» մարդասիրական մրցանակաբաշխությունը:
ՆՏՎ-ն Ռուսաստանի խոշորագույն ոչ պետական հեռուստաընկերություններից է, գործում է 1993թ-ի հոկտեմբերից և ընդգրկված է ռուսական հեռուստաշուկայի առաջատար հեռուստաընկերությունների եռյակում: ՆՏՎ-ն հեռարձակվում է ՌԴ գրեթե բոլոր շրջաններում՝ ընդգրկելով բնակչության 99,2 տոկոսը: Ռուսալեզու հանդիսատեսի համար հեռարձակվում է Ռուսաստանի սահմաններից դուրս՝ մերձավոր արտասահմանի, Եվրոպայի և Մերձավոր Արևելքի երկրներում, ինչպես նաև Հյուսիսային Ամերիկայում և Ավստրալիայում: ՆՏՎ-ն ունի երկու միջազգային տարբերակ՝ ՆՏՎ աշխարհ և ՆՏՎ Ամերիկա:
Հիմնադրման պահից ՆՏՎ-ն հաջողությամբ ստեղծում և զարգացնում է հեռուստատեսային կարևոր ժանրեր։ Ալիքի ծրագրերի շարքում ավանդաբար առաջատար դիրք են զբաղեցնում լրագրողական հետաքննությունները, հասարակական նշանակություն ունեցող թեմաների շուրջ բանավեճերը։ Առաջին հերթին, նորություններն ու վերլուծությունները ՆՏՎ-ի հեռարձակման հիմքն են կազմում։ ՆՏՎ-ի պրոֆեսիոնալ կազմը ճանաչվել է Ռուսաստանում և ամբողջ աշխարհում։ Ամեն տարի թղթակիցները, մեկնաբաններն ու ՆՏՎ-ի հաղորդավարները կառավարական և լրագրողական բարձր պարգևների են արժանանում։ Ժամանցային նախագծերը` հայրենական արտադրության սերիալներն ու ֆիլմերը, սոցիալական և ժամանցային ծրագրերը, խաղարկային շոուները բազմիցս արժանացել են հեղինակային մրցանակների։
