02:37 14 դեկտեմբերի 2017
Ուղիղ եթեր
Հակամարտության գոտի

Հակամարտության գոտի. վերսկսվել են ակտիվ տեղեկատվական գործողությունները

© Sputnik/ Михаил Воскресенский
Հասարակություն
Ստանալ կարճ հղումը
17710

Զինված հակամարտությունների պատմության մեջ բոլոր ժամանակներում ընթացել են տեղեկատվական ու հոգեբանական գործողություններ։

ԵՐԵՎԱՆ, օգոստոսի 9 – Sputnik. Արցախի պաշտպանության նախարարությունում այսօր  հերքել են Ադրբեջանի պաշտպանության նախարարության տարածած տեսանյութը, որը «վկայում է հայկական դիվերսիոն խմբի փորձերի կանխման մասին» հակամարտ զորքերի շփման գծում։ Ստեփանակերտում ընդգծել են տեսանյութի բեմադրված լինելու բնույթը։

Հարաբերական հանգիստի ֆոնի վրա վերջին շրջանում ակնհայտորեն ակտիվացել են կողմերի տեղեկատվական գործողությունները։  Sputnik Արմենիայի հետ զրույցում ասել է Razm.info–ի համակարգող Կարեն Վրթանեսյանը՝ նշելով, որ հին ժամանակներից սկսած «տեղեկատվական գործողությունները»  կարևոր բաղադրիչ են ռազմական արշավներում։

Լեգենդար չինացի զորապետ Սու–Ցուն գրում էր, որ պատերազմը խաբելու ուղի է։ Նախքան ակտիվ ռազմական գործողություններ սկսելը, զորապետերը փորձում էին մոլորության մեջ գցել թշնամուն, ազդեցություն գործել թշնամու ճամբարի բարոյահոգեբանական մթնոլորտի վրա, ինչը հաճախ ազդում էր մարտերի արդյունքների վրա»,– ասել է Վրթանեսյանը։

Նրա խոսքով՝ մոնղոլներն իրենց ռազմական արշավներում հետևողականորեն կիրառում էին հոգեբանական ճնշման մարտավարությունը` ձայնային ազդեցություններից սկսած, որոնք օգնում էին ցույց տալ, որ իրենք ավելի շատ են, քան կան իրականում, մինչև ավելի նուրբ ու բարդ մեթոդներ։

«Օրինակ, մոնղոլները դիտավորյալ տեղեկություն էին տարածում իրենց զորության և մեծ քանակի մասին՝ նշելով, որ դիմադրությունն անիմաստ է»,– ասել է Վրթանեսյանը։

Մեր օրերում նույնպես հակամարտող կողմերը փորձում են սեփական զոհերի մասին ամբողջ տեղեկությունը չհայտնել, իսկ թշնամու զոհերի մասին չափազանցրած լուրեր տարածել, որպեսզի հակամարտող զորքին ոչ պրոֆեսիոնալ անվանեն։ Փորձագետը կարծում է, որ նման նյութերը, որպես կանոն, նախատեսված են ներքին լսարանի համար և նպատակ են հետապնդում բարձրացնել քաղաքացիական բնակչության և զինվորականների հոգեկան ամրությունը:

Русская версия

Գլխավոր թեմաներ