ԵՐԵՎԱՆ, 23 օգոստոսի — Sputnik. Նոր տեղադրված արագաչափ սարքերը գործարկվելու են 2017 թվականի օգոստոսի 28-ից։ Այս մասին հայտնում է Ճանապարհային ոստիկանությունը։
Արագաչափերը գործարկվելու են հետևյալ վայրերում.
- Երևան քաղաքի Էրեբունի փողոց (թիվ 33 շենքի հարակից ճանապարհահատված)՝ 2 արագաչափ` յուրաքանչյուրը մեկ ուղղությամբ, որտեղ երթևեկության թույլատրելի արագությունը 60 կմ/ժ է:
- Երևան քաղաքի Գյուրջյան փողոց (թիվ 17 շենքի հարակից ճանապարհահատված)՝ 1 արագաչափ՝ երկու ուղղություններով, որտեղ երթևեկության թույլատրելի արագությունը 60 կմ/ժ է:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները: