ԵՐԵՎԱՆ, 20 սեպտեմբերի — Sputnik. Թեև հայտնի գործարար Սամվել Կարապետյանի որդու հարսանիքը տեղի է ունեցել սեպտեմբերի 16-ին, սակայն մարդիկ մինչև այսօր էլ քննարկում են այդ թեման։
Համացանցի օգտատերերը շարունակում են նորանոր լուսանկարեր ու տեսանյութեր հրապարակել` հարսանիքի մանրամասները ներկայացնելով հանրությանը։
Ինստագրամի օգտատերերից մեկը Կարեն Կարապետյանի ու Լիլիթի հարսանիքից մի տեսանյութ է հրապարակել, որում երևում է, թե ինչպես են զվարճանում Անդրեյ Մալախովն ու Քսենյա Սոբչակը։
Սամվել Կարապետյանի որդու շքեղ հարսանիքին ելույթ են ունեցել Ալլա Պուգաչովան, «Լենինգրադ» խումբը, Նիկոլայ Բասկովը, Ֆիլիպ Կիրկորովը, Էրոս Ռամազոտին։
