ԵՐԵՎԱՆ, 9 նոյեմբերի — Sputnik. Հայ գեղեցկուհիները գրավում են սոցցանցերը։ Ռուսական Life.ru տեղեկատվական պորտալը ներկայացրել է մոլորակի ամենատաքարյուն հայուհիներին, որոնց ցանկում, որքան էլ տարօրինակ է, ընդգրկված չէ հանրահայտ հեռուստաաստղ Քիմ Քարդաշյանը։
«Եվ ամենակարևորը` նրանք շատ ինքնատիպ են և որևէ կերպ չեն նմանակում Քիմ Քարդաշյանին։ Ավելի շուտ` Քարդաշյանը պետք է նրանցից որոշ բաներ սովորի»,- գրում է առցանց պարբերականը։
Յոհանա Ռիվա Կարապետյան (27 տարեկան), 49.8 հազար բաժանորդ
Յոհանան հայկական արմատներ ունեցող ուրուգվայցի հայտնի մոդել է։ 2014 թվականին նվաճել է «Միսս Ուրուգվայ» տիտղոսը։ Նույն տարում Ուրուգվայն է ներկայացրել «Միսս տիեզերք» մրցույթում։
Լուսինե Թովմասյան, (31 տարեկան), 59.1 հազար բաժանորդ
Լուսինեն ծնվել ու մեծացել է Երևանում։ Ընդունվել է Ռուս-հայկական պետական համալսարան և 17 տարեկանում հաղթել «Միսս Հայաստան» մրցույթում։ 2005 թվականին զբաղեցրել է «Միսս Եվրոպա» մրցույթի երկրորդ հորիզոնականը։
Արևիկ Ոսկանյան, (30 տարեկան), 116 հազար բաժանորդ
«Ղրիմի գեղեցկուհի 2013» մրցույթի հաղթող է դարձել 16 տարեկանում։ 10 տարի զբաղվել է պարով և էստրադային վոկալով։ Վերջերս սեփական խանութն է բացել Սիմֆերոպոլում։
Անահիտ Սիմոնյան, (30 տարեկան), 116 հազար բաժանորդ
2006 թվականին թողարկել է իր առաջին` «Հայաստան» տեսահոլովակը, իսկ երկու տարի անց Սարգիս Մնոյանի հետ մասնակցել է «Երկու աստղ» նախագծին և հայտնվել եզրափակիչ փուլում` զբաղեցնելով երկրորդ տեղը։
Իվետա Մուկուչյան, (31 տարեկան), 134 հազար բաժանորդ
Հայտնի երգչուհի Իվետա Մուկուչյանը մասնակցել է The Voice of Germany շոուի երկրորդ եթերաշրջանին։ Կույր լսումների ժամանակ կատարել է Լորինի «Էյֆորիա» երգը։ 2012 թվականի դեկտեմբերին El-Style ամսագիրը նրան անվանել է Հայաստանի ամենակրքոտ կինը։ 2016 թվականին Իվետան Հայաստանն է ներկայացրել «Եվրատեսիլ» մրցույթում։
Նազենի Հովհաննիսյան, (35 տարեկան), 223 հազար բաժանորդ
Հանրահայտ դերասանուհի և հաղորդավար Նազենի Հովհաննիսյանն ավարտել է Երևանի թատրոնի և կինոյի ինստիտուտը։ 2012 թվականից աշխատում է «Արմենիա» հեռուստաընկերությունում։ Նրա «Երջանկության մեխանիկան» մեծ վարկանիշ է ունեցել։
Արփինե Գաբրիելյան, (27 տարեկան), 224 հազար բաժանորդ
Դերասանուհի, երգչուհի և հաղորդավար Արփինե Գաբրիելյանն իր առաջին տեսահոլովակը թողարկել է 2015 թվականին։ Նրան հաճախ են հիշում Full House կատակերգական սերիալում խաղացած Լիկիի դերով։
