ԵՐԵՎԱՆ, 10 նոյեմբերի — Sputnik. Բրազիլացի լուսանկարիչ Գիլմար Սիլվան մի նախագիծ է նախաձեռնել, որով բացահայտում է ռոմանտիկ, հարսանեկան և մանկական լուսանկարների գաղտնիքները։ Այս մասին գրում է Sputnik-ը։ Նրա բացահայտումներին ուշադրություն է դարձրել Bored Panda-ն։
Instagram-ում հրապարակվող գրառումներում մասնագետը պատմում է, թե իրականում ինչպես են ստեղծվում հղի կանանց, նորածինների ու սիրահարների լուսանկարները։ Գեղեցիկ պատկերների հետևում անտեսանելի իրականությունն է թաքնված։
Լուսանկարիչը ցույց է տալիս, որ ծովափին նստած սիրահարներին նկարում են առվի մոռ, իսկ խիտ թփերի մոտ կանգնած հղի կնոջը նկարել են տան բակում։ Այս լուսանկարներին փայլ ու գեղեցկություն է հաղորդում ֆոտոշոպը։
«Կարևորը ոչ թե այն վայրն է, որտեղ նկարահանում է անցկացվում, այլ այն անկյունը, որից նկարվում է»,- հեգնանքով ասում է լուսանկարիչը։
Նա իր կիսակատակերգական նախագիծն անվանել է LUGARxPHOTO («Տեղ և լուսանկար»)։ Լուսանկարչի բացահայտումներին Instagram-ում ավելի քան 243 բաժանորդ է հետևում։
