ԵՐԵՎԱՆ, 13 նոյեմբերի – Sputnik. «Հանուն գիտության զարգացման» նախաձեռնության մասնակիցները Երևանի պետական համալսարանի տարածքում բողոքի ակցիաներ են անցկացնում։
Նրանք մտադիր են ներգրավել այլ ուսումնական հաստատությունների ուսանողների։
Ինչպես նշել է շարժման համակարգող Դավիթ Պետրոսյանը, շաբաթ–կիրակի հասարակության ներկայացուցիչների հետ քննարկումներ են տեղի ունեցել։
Նրա խոսքով` բոլորը հասկանում են, որ տարկետման հարցն անմիջական կապ ունի գիտության ֆինանսավորման ու տրամադրվող կրթության որակի հետ։
Նա նշել է, որ շարժումը չքաղաքականացնելու կոչերն անհիմն են։
«Ազգային ժողովում օրինագծի ընդունման դեմ ուղղված շարժումը չի կարող քաղաքական չլինել։ Այն կարող է ոչ կուսակցական լինել»,– ասաց Պետրոսյանը։
Նրա խոսքով` շարժումը ուսանողական է, ու նրանց կարող են աջակցել ցանկացած քաղաքական ուժեր։
Երևանի պետական համալսարանի ուսանողները քայլերթ են անցկացնում նոյեմբերի 7–ից։ «Հանուն գիտության զարգացման» նախաձեռնության ներկայացուցիչները անժամկետ դասադուլ են հայտարարել։