21:39 21 նոյեմբերի 2017
Ուղիղ եթեր
Բողոքի ակցիա ԱԺ-ի մոտ

Դասադուլ անող ուսանողները չեն լքում Բաղրամյան փողոցը. լրացված

© Sputnik/ Aram Nersesyan
Հասարակություն
Ստանալ կարճ հղումը
122 0 0

Երևանի փոխոստիկանապետ Վալերի Օսիպյանն ուսանողներին հրահանգել է չխաթարել երթևեկությունը Բաղրամյան փողոցում։

ԵՐԵՎԱՆ, 15 նոյեմբերի — Sputnik. Մեկ շաբաթից ավելի դասադուլ անող ուսանողներն այժմ գտնվում են Բաղրամյան փողոցում՝  Ազգային Ժողովի շենքի մոտ։ Նրանք շարունակում են պահանջել չեղարկել տարկետման վերացման մասին օրինագիծը։

Sputnik Արմենիայի թղթակիցը Բաղրամյան փողոցից հայտնում է, որ ոստիկանները պարբերաբար կոչ են անում ուսանողներին՝ չխաթարել երթևեկությունը։ Ցուցարարները մի պահ փակել են այն, իսկ Երևանի Փոխոստիկանապետ Վալերի Օսիպյանը նրանց հորդորել է չփակել փողոցը և 5 րոպե ժամանակ է տվել հետ քաշվելու համար։

Այդ ընթացքում բողոքի ակցիայի կազմակերպիչներից Վահան Կոստանյանը զանգահարել է ԵՊՀ-ում հացադուլ անող իր ուսանող ընկերներին և խնդրել դադարեցնել դասադուլն ու միանալ իրենց։ Այնուհետև Կոստանյանը հայտարարել է, որ նրանք շուտով կլինեն ԱԺ շենքի մոտ։

Քիչ անց ԵՊՀ լսարաններից մեկում հացադուլ հայտարարած ուսանողնեիրց Գեղամ Ասատրյանը միացել է ընկերներին։ Նա ցուցարարներին հայտնել է, որ շուտով մյուսներն էլ տեղ կհասնեն։

Ժամանակ առ ժամանակ քաշքշոց է տեղի ունենում ուսանողների և ոստիկանների միջև, այս պահին նրանք կրկին փակել են Բաղրամյանը և բոլորին, այդ թվում՝ Վալերի Օսիպյանին, կոչ են անում միանալ իրենց։

Դասադուլ անողները հայտնում են, որ բողոքի ակցիան շարունակվելու է։

Ազգային ժողովը երկրորդ ընթերցմամբ և ամբողջությամբ այսօր ընդունեց «Զինվորական ծառայության և զինծառայողի կարգավիճակի մասին» օրենքի նախագիծը: Խորհրդարանը տարկետման իրավունքից զրկեց պետպատվերով սովորող ուսանողներին:

  • Ուսանողների բողոքի ակցիան Բաղրամյան փողոցում
    Ուսանողների բողոքի ակցիան Բաղրամյան փողոցում
    © Sputnik/ Aram Nersesyan
  • Ուսանողների բողոքի ակցիան Բաղրամյան փողոցում
    Ուսանողների բողոքի ակցիան Բաղրամյան փողոցում
    © Sputnik/ Aram Nersesyan
  • Ուսանողների բողոքի ակցիան Բաղրամյան փողոցում
    Ուսանողների բողոքի ակցիան Բաղրամյան փողոցում
    © Sputnik/ Aram Nersesyan
1 / 3
© Sputnik/ Aram Nersesyan
Ուսանողների բողոքի ակցիան Բաղրամյան փողոցում

Գլխավոր թեմաներ