ԵՐԵՎԱՆ, 20 նոյեմբերի — Sputnik. ԽՍՀՄ ժողովրդական արտիստ Արմեն Ջիգարխանյանի նախկին կին Տատյանա Վլասովան համոզված է, որ Վիտալինա Ցիմբալյուկ-Ռոմանովսկայան «ամուր կառչել է» դերասանի անշարժ գույքից։
Ընդ որում` Վլասովայի բնակարանում Ջիգարխանյանի ներկա կնոջ հանդեպ թշնամաբար էին տրամադրված։ Լրագրողների հարցին` բնակարանի (որն արդյունքում կարող է Վիտալինային բաժին հասնել) փոփոխման մասին հարցին Վլասովայի մտերիմները սկսեցին վիրավորական արտահայտություններ անել Ցիմբալյուկ-Ռոմանովսկայայի հասցեին` նրան մարմնավաճառ անվանելով։
Բացի այդ` Վլասովան պնդում է, որ Վիտալինայի ներկայացուցիչները սպառնացել են, որ կվաճառեն Վլասովայի բնակարանի մի հատվածը։
«Նրանք ինձ ասացին, որ կվաճառեն բնակարանի մի մասը, այնտեղ լիքը մարդ կբնակեցնեն ու մենք կոմունալ բնակարանում կապրենք»,– հայտնել է Վլասովան։
Ընտանիքի փաստաբանը հայտնել է, որ Վիտալինան կարողանում է Ջիգարխանյանի անվան թատրոնի ակտիվները կառավարել` ձեռքին անժխտելի ապացույցներ ունենալով։
«Մինչ թատրոնի ղեկավար դառնալը, նա 40 հազար աշխատավարձ էր ստանում։ Այդ ժամանակ նա կարողացել է երեք հատ բնակարան գնել։ Այդ դևը` Ցիմբալյուկը, ցածր մտավորական կարողությունների տեր մարդ է։ Նա հիվանդագին ագահ է»,– վստահեցրել է նա։
Մի քանի շաբաթ շարունակ հասարակությունը քննարկում է աղմկոտ իրարանցումը, որի կենտրոնում հայտնվել են Արմեն Ջիգարխանյանն ու նրա երիտասարդ կինը` Վիտալինա Ցիմբալյուկ-Ռոմանովսկայան։ Դերասանը հայտնել է, որ կինը խաբեությամբ նրանից խլել է փողերը, ունեցվածքն իր անունով է արել ու նույնիսկ փորձել է սպանել իրեն։ Ընդ որում, Վիտալինան հայտնել է, որ ինքն անմեղ է ու ամեն ինչում մեղադրում է Ջիգարխանյանի շրջապատին, որը նրա վրա բացասական ազդեցություն ունի։
