ԵՐԵՎԱՆ, 20 նոյեմբերի — Sputnik. «Ազգային ինքնորոշում միավորման» առաջնորդ Պարույր Հայրիկյանը Կենտրոնական ընտրական հանձնաժողովի դիմաց այսօր հացադուլ է սկսել։
Լրագրողների հետ զրույցում նա նշել է, որ ընդվզում է ԿԸՀ-ի հակասահմանադրական գործողությունների դեմ։
Հայրիկյանը հայտարարել է, թե ցանկանում էր ստորագրահավաք կազմակերպել՝ Սահմանադրական փոփոխություններ կազմակերպելու համար ու այդ հարցով դիմել էր ԿԸՀ, սակայն հանձնաժողովը Պարույր Հայրիկյանին պատասխանել է, որ Հայաստանի «Հանրաքվեի մասին» օրենքը չի նախատեսում քաղաքացիական նախաձեռնություն։
Հայրիկյանը հացադուլով պահանջում է կատարել Սահմանադրության պահանջը:
