04:52 12 դեկտեմբերի 2017
Ուղիղ եթեր
Դիալիզի բաժանմունք

Երիկամային խնդիրներ ունեցողներին տրամադրվող օգնությունը կընդլայնվի

© Sputnik/ Игорь Зарембо
Հասարակություն
Ստանալ կարճ հղումը
4110

Դիալիզի սեանսերի քանակն ավելանում է, սակայն նոր կենտրոններ առայժմ չեն բացվի։

ԵՐԵՎԱՆ, 6 դեկտեմբերի — Sputnik. Երիկամային խնդիրներ ունեցող հիվանդներին և հղիներին դիալիզի համար 2018 թվականին Հայաստանում կհատկացնեն լրացուցիչ 400 մլն դրամ։ Այդ մասին Հայաստանի խորհրդարանում հայտնեց ֆինանսների նախարար Վարդան Արամյանը։

Երիկամային անբավարարություն ունեցող հիվանդներին ոչ բավարար օգնություն ցուցաբերելու մասին խոսվել է նաև ԱԺ-ում պետբյուջեի քննարկումների ժամանակ հանձնաժողովների մակարդակով։ Այն ժամանակ ընդդիմադիր պատգամավորներն առաջարկում էին ավելացնել դիալիզի կենտրոնների քանակը, որպեսզի թեթևացնեն հիվանդների տեղափոխումը (հատկապես հեռավոր գյուղերում)։

Առողջապահության նախարարության ներկայացուցիչներն իրենց հերթին նշել են, որ նոր կենտրոնները չեն կարողանա աշխատել ամբողջական ծանրաբեռնվածությամբ և ծախսերը չեն հանի։

Այդպիսով, օգնությունը կընդլայնեն (քանի որ հիվանդների թիվն ավելացել է), բայց կենտրոնները չեն մոտեցնի։

Այսօր հանրապետությունում կանոնավոր կերպով դիալիզ են ստանում ավելի քան 800 հիվանդ։ 2020 թվականին, առողջապահության նախարարի խոսքով, հիվանդների քանակը կարող է հասնել մինչև հազարի։

2018 թվականին ընդհանուր առմամբ երիկամային և պերինատալ դիալիզի պետպատվերը 2,08 միլիարդից կհասնի 2,48 միլիարդի։

Գլխավոր թեմաներ