04:43 12 դեկտեմբերի 2017
Ուղիղ եթեր
Հավանոց

Նորմալ հավի մսի փոխարեն հայերին սալմոնելա ու տետրացիկլին են հրամցնում

© Sputnik/ Игорь Зарембо
Հասարակություն
Ստանալ կարճ հղումը
33401

Ուսումնասիրությունների արդյունքում պարզվել է, որ փորձանմուշների կեսից ավելին սննդի մեջ օգտագործման ենթակա չէ։

ԵՐԵՎԱՆ, 6 դեկտեմբերի — Sputnik. Հայկական շուկայում ներկրվող թռչնամսի շուրջ ստեղծված իրավիճակը ողբալի է. 9 ամբողջական հավից, որոնք գնվել էին ստուգիչ գնումների շրջանակում, 5-ը սննդի մեջ օգտագործման համար պիտանի չէին, չորեքշաբթի լրագրողներին ասաց «Իրազեկ և պաշտպանված սպառող» ՀԿ-ի նախագահ Բաբկեն Պիպոյանը։

Նրա խոսքով, այդ հինգ նմուշը չեն համապատասխանում մի շարք չափորոշիչների, խախտումներ են հայտնաբերվել նաև արտադրանքի մակնշման հարցում։ Սակայն ամենավատն այն է, որ մսի մեջ հայտնաբերել են վտանգավոր քիմիկատների հետքեր, իսկ մանրէաբանական ստուգումները վնասակար միկրոօրգանիզմներ են հայտնաբերել։

«Սալմոնելա է հայտնաբերվել, ինչն արդեն արտադրական գործընթացում իրականացված խախտման հետևանք է։ Հակաբիոտիկների մնացորդներ են նկատվել` ինչպես լևոմիցետինի, այնպես էլ տետրացիկլինի խմբի հակաբիոտիկներ», — ասել է Պիպոյանն` ընդգծելով, որ հակաբիոտիկների մնացորդները ջերմային մշակումով որևէ կերպ չեն կարող անցնել։

Նա նշել է, որ հայտնաբերված խախտումները նկատվել են միայն ներկրված թռչնամսի մեջ։ Պիպոյանի խոսքով` տեղական արտադրության հավի մսի մեջ նման «հավելումներ» լինել չեն կարող։

Բաբկեն Պիպոյանը ստեղծված իրավիճակի հիմնական մեղավոր է համարում լիազոր մարմիններին, մասնավորապես` սննդի անվտանգության պետական ծառայությանը։ Նրա խոսքով, նախկինում Ծառայությունը «գոնե ձևական» ասում էր, թե կզբաղվի հարցով, իսկ այժմ ընդհանրապես անտարբեր է։

Գլխավոր թեմաներ