04:47 12 դեկտեմբերի 2017
Ուղիղ եթեր
Ընտանեկան բռնություն

Ընտանեկան ստուգումներ Հայաստանում. փոխնախարարը պատասխանեց տհաճ հարցին

© Sputnik
Հասարակություն
Ստանալ կարճ հղումը
5610

Ո՛չ ոստիկանները, ո՛չ էլ քննիչներն ընտանիքներում տեսչական ստուգում կատարելու իրավունք չեն ունենա։

ԵՐԵՎԱՆ, 6 դեկտեմբերի — Sputnik. «Ընտանեկան բռնության կանխարգելման» մասին օրինագիծը չի նպաստի ընտանեկան գործերին միջամտելուն։ Այս մասին խորհրդարանում կայացած քննարկումների ժամանակ ասաց Հայաստանի արդարադատության նախարարի տեղակալ Վիգեն Քոչարյանը։

Նա հիշեցրեց, որ օրինագիծը հոգեբանական ու իրավական աջակցություն է առաջարկում (անհրաժեշտության դեպքում նաև ապաստարան) այն մարդկանց, որոնք տառապում են ընտանիքի անդամների ծեծից ու ծաղրանքներից։ Առաջարկվում են նաև ագրեսորի ու զոհի (կնոջ ու տղամարդու կամ երեխայի ու ծնողի) հաշտեցման միջոցներ։

Այնուամենայնիվ, ո՛չ ոստիկանները, ո՛չ քննիչներն ընտանիքներում տեսչական ստուգում կատարելու իրավունք չեն ստանա։

«Այդ օրենքն այն մարդկանց համար է, որոնք օգնություն կխնդրեն», — ասաց Քոչարյանը։

Ավելի վաղ նախարարի տեղակալը նշել էր, որ հանրապետության սպանությունների 17%-ը տեղի է ունենում հենց ընտանիքներում։

Օրինագծին հավանություն են տվել Հայաստանի իշխող կուսակցության ներկայացուցիչները։ Իսկ փոխխոսնակ Էդուարդ Շարմազանովը նշել էր, որ տուժածների համար ապաստարանների դռները բաց են Հայ առաքելական եկեղեցու քահանաների համար։

Ընդդիմությունը նույնպես համաձայնել է, որ օրինագիծը չի խախտում ընտանիքի անձեռնմխելիությունը։

«Եթե, օրինակ, ամուսինը երեխաներին ու կնոջը վերակենդանացման բաժին է հասցրել կամ էլ պարզապես սպանել է նրանց, այդ ժամանակ հասարակությունն իրավունք ունի՞ միջամտելու։ Գուցե պետք է։ Թե՞ պարտադիր է, որ ծեծեն կամ սպանեն։ Եթե չեք ուզում, որ խառնվեն ձեր ընտանեկան հարաբերություններին, մի հասցրեք նման իրավիճակների»,- ասաց «Ելք» խմբակցության ղեկավար Նիկոլ Փաշինյանը։

Նշենք, որ արդարադատության նախարարության ներկայացուցիչներն արդեն բազմաթիվ անգամ հայտարարել են, որ օրենքը չի միջամտելու ընտանեկան փոխհարաբերություններին։

«Ընտանեկան բռնության կանխարգելման» մասին օրինագիծը պաշտոնյաների ու փորձագետների բուռն քննարկմանն է արժանացել։ Հատկապես վիճելի է համարվում ծնողների մեղավորության կանխավարկածի կետը։

Թեև Հայ առաքելական եկեղեցին առայժմ պաշտոնական հայտարարությամբ հանդես չի եկել, այնուհանդերձ հոգևորականները նույնպես օրինագիծը համարում են անհեթեթ, իսկ անվանումը` ոչ տրամաբանական։

2017թ-ի առաջին 9 ամսվա ընթացքում ոստիկանությունը քննել է ընտանեկան բռնության 602 դեպք, որոնց փաստերով հարուցվել է 142 քրեական գործ։ 2016 թվականի նույն ժամանակահատվածում գրանցվել է 521 դեպք, իսկ քրեական գործ է հարուցվել 97-ի փաստով։ Նույն ժամանակահատվածում գրանցվել է անչափահասների նկատմամբ բռնության 146 դեպք, որոնցից 52-ը` սեռական բնույթի։

Գլխավոր թեմաներ