«Ոսկյա» հայերին բռնել են վրացական անցակետում

ԵՐԵՎԱՆ, 12 դեկտեմբերի — Sputnik. Հայաստանի քաղաքացիները փորձել են մարմնի վրա 279.01 գրամ ոսկի անցկացնել։ Այս մասին հայտնում է NewPosts.ge վրացական պարբերականը։

«Դեկտեմբերի 8-ին «Սադախլո» հսկիչ անցակետում մաքսային ծառայության սպայի մոտ կասկածներ են առաջացել Հայաստանի քաղաքացիներ Ն.Գ.-ի ու Գ.Խ. —ի վերաբերյալ։ Զննման արդյունքում նրանց մարմնի վրա 279.01 գրամ ոսկի է հայտնաբերվել` 21,514 լարի (մոտ 8 հազար դոլար) արժողությամբ», — ասվում է հրապարակման մեջ։

Վրաստանի Հարկային օրենսգրքի 289 հոդվածի 10-րդ մասին համաձայն` Հայաստանի քաղաքացիները տուգանվել են 8 հազար դոլարով։