ԵՐԵՎԱՆ, 18 դեկտեմբերի — Sputnik. 2017 թվականի ամենաքննարկվող հարսանիքների ցուցակում պատվավոր տեղ է զբաղեցրել երկու հայկական հարսանիք` ռուս օլիգարխներ Սամվել Կարապետյանի և Ալբերտ Ավդոլյանի որդիների հարսանիքները, գրում է Լայֆ պարբերականը։
Մոսկվայի անշարժ գույքի «թագավոր»` Սամվել Կարապետյանի կրտսեր որդին` Կարենն, ամուսնացավ Լիլիթ Մարկոսյանի հետ։ Այդ հարսանիքն, իրավամբ, կարելի է համարվել 2017 թվականին Մոսկվայում անցկացրած ամենաշքեղ հարսանիքը։
Հանդիսությունների դահլիճը զարդարված էր խոլորձներով, հարսը` շքեղ զգեստով, տորթը ձգվում էր մինչև առաստաղ, իսկ հրավիրվածներին զվարճացնելու էին եկել Ալլա Պուգաչովան, Ֆիլիպ Կիրկորովը, Նիկոլայ Բասկովն ու Վերա Բրեժնևան։ Քավորը ՀՀ վարչապետ Կարեն Կարապետյանն էր։
Ալբերտ Ավդոլյանի որդու և «Մեժռեգիոնսոյուզէներգո» հոլդինգի համասեփականատեր Էլդար Օսմանովի դստեր հարսանիքը (Forbes–ի 123-րդ տեղում է) դժվար համեստ լիներ։ Հաղորդավարները Քսենիա Սոբչակն ու Անդրեյ Մալախովն էին, նորապսակների համար երգում էին Նիկոլայ Բասկավն ու Լեդի Գագան։
Հանդիսությունների դահլիճը զարդարել էին 500 հազար դոլար արժողությամբ ծաղիկներով։ «Օսկարի» մրցանակաբաշխության անցկացման վայրում` «Դոլբի» թատրոնում, անցկացրած շքեղ արարողության համար 10 մլն դոլար էին ծախսել։ Հյուրերին զբաղեցնում էին նաև սիմֆոնիկ նվագախումբն ու հայկական համույթը։
Տասնյակում ներառվել են նաև Ալյոնա Վոդոնաևայի և Ալեքսեյ Կոսինուսի, Էվան Շպիգելի և Միրանդա Քերի, Ինգա Մելաձեի և Նուրի Վերգեզեի, Ինտան Ազախրայի և Զենդի Զաենի, Պիպա Միդլթոնի և Ջեյմս Մեթյուսի, Լիոնել Մեսսիի և Անտոնելլա Ռոկուցցոյի, Վիկտորյա Սվարովսկու և Վերներ Մյուրցի, Իրինա Կոգանի և Դենիել Քենվեյի հարսանիքները։
