ԵՐԵՎԱՆ, 24 դեկտեմբերի — Sputnik. «Ты супер! Танцы» մրցույթում Հայաստանը ներկայացնող Դավիթ Այվազյանն ու Աստղիկ Միքայելյանը նախատոնական շաբաթը կանցկացնեն ծրագրի այլ մասնակիցների հետ Սանկտ Պետերբուրգում։
Նրանք եզրափակչում չհայտնվեցին, բայց իրենց հետքը թողեցին ծնողական խնամքից զուրկ երեխաների համար նախատեսված նախագծում։
Այս տարվա օգոստոսին ՆՏՎ հեռուստաալիքի և Sputnik միջազգային տեղեկատվական գործակալության ու ռադիոյի «Ты супер! Танцы» նախագծի մասնակիցները Մոսկվա մեկնեցին։ Աստղիկն ու Դավիթը Գյուրմրիի «Թռչունյան տուն» կրթահամալիր-մանկատան սաներն են։ Ռուսաստանի մայրաքաղաք ժամանելուն պես նրանք տեսահոլովակ էին ձայնագրել՝ կոչ անելով սատարել իրենց մրցույթի ժամանակ։
Սկզբում շատերը չէին կարողանում Աստղիկ անունը անունը հիշել, դրա համար «Թռչունյան տան» տնօրեն Շուշանիկ Ալեքսանդրյան թարգմանեց երկտասարդ պարուհու անունը ռուսերեն ու նրան պարզապես «Звездочка» էին անվանում։
«Ты супер! Танцы» նախագծի հայ մասնակից Դավիթ Այվազյանը սեպտեմբերին 17 տարեկան դարձավ։ Մրցույթի մասնակիցները նրա համար անակնկալ էին պատրաստել։
Մասնակիցների «Կրասնայա գվոզդիկա» պանսիոնատի տարածքում Sputnik-ի հատուկ թղթակից Աննա Նեդելկոն կապել էր Դավիթի աչքերն ու մոտեցրել նրան փոքր քաղցրավենիքներով լի սեղանին։
Ծրագրի մնացած մասնակիցները տորթով սպասում էին նրան ու շտապում շնորհավորել ծննդյան օրվա կապակցությամբ։
Ելույթների 1-ին օրը Աստղիկն ու Դավիթը հանդիսատեսի դատին ներկայացրին «Շալախո» պարը։
«Այս պարը բացահայտում է հայ տղամարդու կերպարը և ընդգծում հայ կնոջ նրբությունը»,- ավելի վաղ Sputnik-ի հետ զրույցում ասել էր Դավիթը։
Այդ համարի շնորհիվ պարողները երկրորդ փուլ անցան։ Ժյուրիի անդամները հիացած էին Դավիթի և Աստղիկի ելույթով։ Նրանք գովեստի խոսքեր էին ասում երեխաներին։
Ավելի ուշ Աստղիկը խոստովանեց, որ ստիպված էր նիհարել, քանի որ պարի ընթացքում զուգընկերը գրկում է իրեն։
Շալախոյից հետո երիտասարդ պարողները ժամանակակից պար ներկայացրեցին, Յուլիանա Կարաուլևայի «Ուղեծրից դուրս» երիգի ներքո։
Կիսաեզրափակչի ժամանակ երեխաները հանդես եկան հնդկական պարով։
Ցավոք, հայ պարողներին չհաջողվեց «Ты супер! Танцы» նախագծի եզրափակիչ անցնել, սակայն նրանք կամային հաղթանակ տարան ու կշարունակեն պարել։
«Ցույց չեմ տա՝ ինչքան ենք տխրել։ Բայց շարունակելու ենք պարել։ Այս անգամ չանցանք, բայց ոչինչ։ Կշարունակենք պարապել, ու ամեն ինչ լավ կլինի», — խոստովանել է Դավիթը։
Հայկական զույգը ելույթ կունենա «Ты супер! Танцы» կիսաեզրափակիչ փուլում
«Սա միայն պար չէ, սա կյանք է», — ասել է Աստղիկը ելույթից հետո։
«Ты супер! Танцы» միջազգային մրցույթը, որն անցկացնում են ՆՏՎ հեռուստաընկերությունը և Sputnik գործակալությունն ու ռադիոն, միավորել է Ռուսաստանի, ԱՊՀ-ի ու Բալթյան երկրների տարբեր անկյուններում բնակվող տաղանդավոր երեխաներին և նրանց նվիրական երազանքներն իրականացնելու հնարավորություն է տվել։
«Ты супер! Танцы» միջազգային մրցույթի պրեմիերան կայացել է սեպտեմբերի 2-ին։ Նախագծին մասնակցում են ավելի քան 140 պատանի պարող 10 երկրից։
