ԵՐԵՎԱՆ, 30 դեկտեմբերի — Sputnik. Հայտնի շոումեն Գարիկ Մարտիրոսյանի կինը` Ժաննա Լևինան, պատմել է, թե ինչպես է փոքրիկ աղջկան «փրկել» հոգեբանական հարվածից:
Instagram-ի իր էջում Լևինան թատրոնի մասին իր առաջին տպավորությունները համեմատել է այն դերի հետ, որն ակամա մարմնավորել է ինքը:
«Անցյալ դարում, երբ 9 տարեկան էի, առաջին անգամ թատրոն գնացի: Ներկայացումը, որ դիտեցի, «Ռոմեո և Ջուլիետն» էր: Ամենից շատ ինձ ցնցեց ոչ թե Կապուլետ և Մոնտեգյու ընտանիքների դիմակայությունը, երկու դեռահասի սիրային պատմությունը, Ռոմեոյի և Ջուլիետի վաղաժամ մահը, որ ընդհատվեց այդքան վառ անցումային շրջանում, այլ 12-ամյա Ջուլիետի զառամյալ տարիքը: Ինչպես ասում էին դասականները, «երիտասարդը բոլորովին էլ երիտասարդ չէր»: Փաստն ակնհայտ էր, վիճելն` անիմաստ, և այն խորը հետք թողեց գիտակից աղջկա ենթագիտակցության մեջ», — գրել է Լևինան:
Այժմ, նրա խոսքով, հասկանում է, որ իր երազանքի դերը մարմնավորած դերասանուհին 40 տարեկան էր, բայց 9 տարեկան երեխայի համար նա 100 տարեկանի էր նման:
Լևինան այնպես է պատմել այս պատմությունը, որ նրա էջին հետևողները հերթական անգամ գնահատել են հայ երգիծաբանի կնոջ հումորի զգացումը:
«Այսօր, երբ ես երկնագույն վերարկուով և արծաթագույն երկարաճիտ կոշիկներով շրջում էի առևտրի կենտրոնում, լսեցի ինձ զարմացած նայող փոքրիկ աղջկա ձայնը. «Մայրիկ, մայրիկ, նայի՛ր, Ձյունանու՞շն է»: Այս խոսքից հետո ստիպված էի շտապ լքել տարածքը, որպեսզի երեխային հոգեբանական հարված չհասցնեմ, ու նա այդ մասին 30 տարի անց չպատմի Instagram-ի իր բաժանորդներին ու հոգեբանին», — գրել է Լևինան:
Ավելի վաղ ՈՒՀԱ-ի հայտնի անդամ և սիրելի երգիծաբան Գարիկ Մարտիրոսյանն արժանացել է «Արգիշտի առաջինի» հուշամեդալի: Տարոն Մարգարյանը հայտնի շոումենին մրցանակ է շնորհել Երևանի և Մոսկվայի միջև համագործակցության զարգացման գործում մեծ աջակցություն ունենալու համար:
Գարիկն իր ապագա կնոջ հետ ծանոթացել է 1997 թվականին Սոչիում ՈՒՀԱ-ի փառատոնի ժամանակ: Նրանք սկսել են հանդիպել 1998 թվականին: Զույգը երկու երեխա ունի` դուստր և որդի:
