ԵՐԵՎԱՆ, 31 դեկտեմբերի — Sputnik. Արմեն Ջիգարխանյանի նախկին կինը՝ Վիտալինա Ցիմբալյուկ Ռոմանովսկայան, պարծեցել է շքեղ ինտերիերում տեղադրված տոնածառով, գրում է Dni.ru կայքը:
Ցիմբալյուկ-Ռոմանովսկայան հայտնի է դարձել դերասան Արմեն Ջիգարխանյանի շնորհիվ և հատկապես նրա հետ ամուսնալուծությունից հետո: Հրատարակության տվյալներով՝ Վիտալինան այնքան հայտնի է դարձել, որ հիմա նրանից ինքնագիր են վերցնում և ցանկանում են լուսանկարվել նրա հետ:
«Տարեց դերասանի հետ սկանդալային ամուսնալուծությունից հետո ուկրաինուհին Ռուսաստանում ձեռք է բերել ոչ միայն համբավ, այլ նաև բազմամիլիոն կապիտալներ, շքեղ անշարժ գույք՝ 100 մլն ռուբլի ընդհանուր արժողությամբ», — գրում է կայքը:
Մերձմոսկովյան Կրասնոգորսկում գտնվող բնակարանը հիանալի տեղ է Նոր տարին նշելու համար, մտածել է Վիտալինան, զարդարել է այնտեղ գեղեցիկ տոնածառ և լուսանկարները տեղադրել սոցցանցերում:
Ինչպես գրում է Dni.ru-ն, սենյակի դեկորի համար Վիտալինան վճարել է շուրջ 300 000 ռուբլի:
Կայքը հեգնանքով գրում է. «Դատելով ամեն ինչից՝ Ցիմբալյուկը հիմա խորհրդային հիթ է երգում, որը կատարել են «Պլամյա» և «Սամոցվետի» խմբերը. «Ձմեռը կտանի, ձմեռը կտանի այն ամենը, ինչ եղել է մինչև քեզ»:
Եվ ճիշտ է, նախկինում նա ծերուկի ձեռքից բռնած ման էր ածում, գդալով կերակրում նրան, հրամցնում մայրիկի բաղադրատոմսով պատրաստված լոռամրգի կոմպոտ և հետո ստորագրելու տալիս տարբեր փաստաթղթեր: Հիմա այդ հոգսերը մնացել են անցյալում, արդեն կարելի է սրտի ուզածն անել»:
Հիմա Վիտալինան նախանձելի հարսնացու է՝ լավ օժիտով և հույս ունի ուղղակի երջանիկ լինել:
