07:40 23 ապրիլի 2018
Ուղիղ եթեր
«Զվարթնոց»

«Զվարթնոց» օդանավակայանն «ուշքի է եկել» մի քանի ժամ տևած դադարից հետո

© Sputnik / Aram Nersesyan
Հասարակություն
Ստանալ կարճ հղումը
194 0 0

Առավոտյան ժամը հինգից օդանավերը չէին կարողանում վայրէջք կատարել «Զվարթնոց» օդանավակայանում։

ԵՐԵՎԱՆ, 12 հունվարի — Sputnik. «Զվարթնոց» օդանավակայանը մի քանի ժամ ընդմիջումից հետո վերսկսել է չվերթերի սպասարկումը, ինչը դադարեցվել էր եղանակային պայմանների կտրուկ վատացման պատճառով, Sputnik Արմենիային հայտնեց «Արմենիա միջազգային օդանավակայաններ» ՓԲԸ-ի մամուլի քարտուղար Գևորգ Աբրահամյանը։

«Տեղի ժամանակով 05։00-06։00-ից սկսած` ինքնաթիռները չեն կարողացել վայրէջք կատարել օդանավակայանում եղանակային պայմանների պատճառով։ Մոտավորապես ժամը 14։00-ին ինքնաթիռների վայրէջքները վերականգնվել են», — ասաց Աբրահամյանը։

Անբարենպաստ եղանակի պատճառով հետաձգվել են մի շարք չվերթեր, այդ թվում` Մոսկվայից, Շարժայից, Դուբայից իրականացվող թռիչքները։ Սակայն Աբրահամյանի խոսքով` օդանավակայանն արդեն վերադառնում է նորմալ ռեժիմի։

Նշենք, որ եղանակը Երևանում շարունակում է «տատանվել», տեղ-տեղ նկատվում է մառախուղ, տեսանելիությունը նվազել է։

Գլխավոր թեմաներ