07:47 23 ապրիլի 2018
Ուղիղ եթեր
Եկեղեցի

Ի՞նչ ընդհանուր բան կա հայ եկեղեցու ու հին Նոր տարվա միջև

© Sputnik / Asatur Yesayants
Հասարակություն
Ստանալ կարճ հղումը
6710

Հին Նոր տարին աշխարհի շատ երկրներում նշվում է հունվարի 13-ի լույս 14-ի գիշերը, իսկ հայերն այդ օրը սեփական, եզակի եկեղեցական տոնն են նշում։

Անի Լիպարիտյան, Sputnik

Հայ առաքելական եկեղեցին առանձնանում է յուրօրինակ ծեսերով ու ավանդույթներով։ Օրինակ` հունվարի 13-ին մեր եկեղեցին նշում է Քրիստոսի Անվանակոչության տոնը։ Այն խորհրդանշում է Հին և Նոր Կտակարանների հանդիպումը:

Ծնվելուց հետո ութերորդ օրը, Հին Կտակարանի համաձայն, Հիսուսին թլպատել են ու միայն դրանից հետո անուն են տվել։

Սակայն այդ օրը հայերը չեն մոռանում նաև Հին Նոր տարվա մասին։ Հունվարի 13-ի լույս 14-ի գիշերը Հայաստանում, ինչպես և մի շարք այլ երկրներում (մեծ մասամբ՝ խորհրդային) Հին Նոր տարին են նշում։ Իհարկե, այդ տոնն առանձնապես նշանակություն չունի ու ավելի շատ խորհրդանշական բնույթ է կրում, բայց այդ օրն ընդունված է շնորհավորել միմյանց ու տոնական փոքր սեղան գցել։

Ինչո՞ւ չտոնել, եթե առիթ կա

Ուղիղ հարյուր տարի առաջ՝ 1918 թվականին, օրացույցից գրեթե մեկ ամիսը կորավ, ու հունվարի 31-ից հետո միանգամից եկավ փետրվարի 14-ը։

Ժողկոմիսարների խորհրդի որոշման մեջ նշվեց․ «Հունվարի 31-ին հաջորդող օրը համարել ոչ թե փետրվարի 1-ը, այլ փետրվարի 14-ը, երկրորդ օրը՝ փետրվարի 15-ը, և այդպես շարունակ»։

Արդյունքում օրերը 13-ով հետ ընկան, ու հայերը ԽՍՀՄ այլ հանրապետությունների պես սկսեցին Նոր տարին նշել դեկտեմբերի 31-ին, իսկ Հին Նոր տարին «բաժին հասավ» հունվարի 13-ին ու միայն հիշողության մեջ մնաց։

Գլխավոր թեմաներ