14:31 20 հուլիսի 2018
Ուղիղ եթեր
  • USD480.60
  • GBP624.64
  • EUR557.74
  • RUB7.57
ոստիկանության ավտոմեքենա

Ի՞նչ վիճակում է Վրաստանում թալանված ու ծեծված հայ գործարարը. մեկնաբանում է դեսպանատունը

© Sputnik / Александр Имедашвили
Հասարակություն
Ստանալ կարճ հղումը
399 0 0

Վրաստանում Հայաստանի դեսպանատունը ՀՀ քաղաքացի Արթուր Սուքիասյանի վիճակի վերաբերյալ տեղեկություն է հրապարակել։

ԵՐԵՎԱՆ, 13 հունվարի — Sputnik. Վրաստանում Հայաստանի դեսպանությունը մշտական կապի մեջ է ինչպես տուժածի և նրա հարազատների, այնպես էլ իրավապահ մարմինների հետ։ Այս մասին նշված է Վրաստանում Հայաստանի դեսպանատան տարածած հայտարարության մեջ։

«Արթուր Սուքիասյանն Օզուրգեթիի հիվանդանոցից արդեն տեղափոխվել է Բաթումի հիվանդանոց, գտնվում է բժիշկների վերահսկողության տակ, և նրա կյանքին որևէ վտանգ չի սպառնում»,- հայտնում է դեսպանատունը։

Բժիշկների փոխանցմամբ՝ տուժածը ևս երկու օր պետք է գտնվի նրանց հսկողության տակ և այնուհետև դուրս գրվի։ Բաթումում ՀՀ գլխավոր հյուպատոսն արդեն տեսակցել է տուժած ՀՀ քաղաքացուն։

Նշենք, որ Վրաստանի արևմուտքում անհայտ անձինք հարձակվել են 31 տարեկան Արթուր Սուքիասյանի վրա։ Դիմակավորված կողոպտիչները երկուսն են եղել, նրանք Սուքիասյանի վրա հարձակվել են շքամուտքում, հարվածել նրան, հետո գողացել են գործարարի մոտ եղած գումարը` 30 հազար լարի (մոտավորապես 12 հազար դոլար), որով նա պատրաստվում էր Թբիլիսիի շուկայից ապրանք գնել իր խանութների համար։

 

Գլխավոր թեմաներ