ԵՐԵՎԱՆ, 2 փետրվարի — Sputnik. Հայաստանի ընդդիմադիր «Ելք» դաշինքի ներկայացուցիչ, Նոր Կյանք համայնքի ղեկավար Գարիկ Սարգսյանն առաջարկել է Վրաստանի նախագահ Միխեիլ Սահակաշվիլու հայալեզու գրքի շնորհանդեսն անցկացնել գյուղի մշակույթի տանը։
«Ես միակ համայնքի ղեկավարն եմ Հայաստանում, որ ներկայացնում է ընդդիմությունը և ես պատրաստ եմ «Ուժերի զարթոնք» գրքի շնորհանդեսը կազմակերպել մեր գյուղի Մշակույթի տանը», – գրել է Գարիկ Սարգսյանը Սահակաշվիլու այն գրառման տակ, որ Երևանի երկու գրախանութներ չեղյալ են հայտարարել իր գրքի շնորհանդեսը։
Վրաստանի նախկին նախագահ Միխեիլ Սահակաշվիլու «Ուժերի զարթոնք» գրքի հայերեն տարբերակի շնորհանդեսը Երևանում չեղյալ են հայտարարել են սկզբից Եղիշե Չարենցի տուն–թանգարանում, որտեղ միջոցառումն ի սկզբանե նախատեսված էր։ Պաշտոնական վարկածը տեխնիկական պատճառն է, բայց լուրեր են պտտվում նաև քաղաքական ենթատեքստի մասին։
Գրքի թարգմանիչ Միքայել Նահապետյանը Facebook–ի իր էջում գրել է, որ Եղիշե Չարենցի տուն–թանգարանից հետո գրքի շնորհանդեսը չեղյալ է հայտարարել նաև «Նոյյան տապան» գրատունը` չնայած նախկինում ձեռք բերված պայմանավորվածությանը։
Նա կարծում է, որ այդ մերժումները քաղաքական ճնշման հետևանք են և ուղղված են գրքի բովանդակությունը տարածելու դեմ։
«Դա ուղիղ և բացահայտ գրաքննություն է», – գրել է Նահապետյանը։
Սահակաշվիլին գրել է, որ իր գրքի հայերեն տարբերակի շնորհանդեսը չեղարկվում է` մեկնաբանելով այն հետևյալ կերպ. «Բոլոր երկրների վաշխառուները միավորվել են իմ դեմ»։
