ԵՐԵՎԱՆ, 3 փետրվարի — Sputnik. Կրասնոդարից ժամանած 13 տարեկան Ռոբերտ Կասյանը գերեց ռուսական առաջին ալիքի «Ձայնը. երեխաներ» նախագծի հինգերորդ եթերաշրջանի ժյուրիին:
Նա երգեց «Parlami d"amore, Mariu» բարդ ստեղծագործությունը, որը գրել է Վիտտորիո Դե Սիկան «Որքան սրիկա են այս տղամարդիկ» ֆիլմի համար (էկրան է բարձրացել 1932 թվականին): Այս երգը կատարել են Դմիտրի Խվորոստովսկին, Խոսե Կարերասը և Պլասիդո Դոմինգոն: Իսկ Ռոբերտը կատարեց Ռոբերտինո Լորետտիի տարբերակը:
Հենց նրան էլ Ռոբերտն ընտրեց որպես մարզիչ:
«Մի քանի այսպիսի երեխայի ուղղակի քթի տակից տարավ: Ավելի ակտիվ եմ սեղմելու կոճակը», — կատակով ասաց մեկ այլ մարզիչ Վալերի Մելաձեն:
«Փախցրեց», — ավելացրեց ռեփեր Բաստան:
«Դու եզրափակիչ փուլում հայտնվելու հնարավորություն ունես: Բայց չմեծամտանաս, շարունակի՛ր աշխատել», — տղային հորդորեց հաղորդավար Դմիտրի Նագիևը:
Ռոբերտի հաջող ելույթը շնորհավորեց նաև Կրասնոդարի երկրամասի նահանգապետ Վենիամին Կոնդրատևը:
«Ձայնը. Երեխաներ» նախագծի հինգերորդ եթերաշրջանը մեկնարկել է փետրվարի 2-ին։
Նախագծին կարող են մասնակցել 7-14 տարեկան երեխաները: Կանոնների համաձայն` նախագծի առաջին փուլում անցկացվում են «կույր լսումները». Ժյուրին չի տեսնում երեխաներին, բայց լսում է նրանց ելույթները: Հետո ժյուրիի անդամներից յուրաքանչյուրը 15 հոգուց բաղկացած թիմ է հավաքում, որը հետագայում «զտվում» է։ Երեխաները լարված փորձություններ են հաղթահարում` մենամարտեր, նոկաուտներ, կիսաեզրափակիչ և եզրափակիչ փուլեր, բայց հաղթողը միայն մեկն է լինում:
Հոբելյանական եթերաշրջանի ժյուրիի կազմում են երգչուհի Պելագեան, երգիչ Վալերի Մելաձեն և ռեփեր Բաստան: Նախագծի գլխավոր հաղորդավարը Դմիտրի Նագիևն է: