ԵՐԵՎԱՆ, 6 մարտի — Sputnik. Գործարար Բագրատ Ղազարյանը կզբաղեցնի O1 Properties Management Ltd. խոշոր ընկերության կառավարման նախագահի պաշտոնը։ Ընկերությանն է պատկանում Մոսկվայում A դասի գրասենյակային ամբողջ անշարժ գույքը։ Այս մասին հայտնում է ընկերության մամուլի ծառայությունը։
Ավելի վաղ այս պաշտոնը զբաղեցնում էր հայտնի ֆինանսիստ Դմիտրի Մինցը։ Գործարքի ավարտից հետո Մինցն ընկերության տնօրենների խորհրդի նախագահի պաշտոնում կմնա։
Հաղորդագրության համաձայն՝ Laysa Group-ը գնել է միլիարդատեր Բորիս Մինցի O1 Group դեվելոպերական բիզնեսը։ Գործարքը կավարտվի Ռուսաստանի Դաշնային հակամենաշնորհային ծառայության թույլտությունը ստանալուց հետո։
«Տրանսինժինիրինգ» ԲԲԸ-ի տնօրեն Բագրատ Ղազարյանը նախկինում բարձր պաշտոններ է զբաղեցրել «Промышленные решения» և «Объединенная зерновая компания» ընկերություններում։ Նա նաև բարեգործությամբ է զբաղվում։
